ඉරාන - ඊශ්‍රායලය ඇවිලෙද්දී උතුරු කොරියාවෙනුත් බැලැස්ටික් මිසයිල ප්‍රහාර මාලාවක්

උතුරු කොරියාව විසින් අද (08) උදෑසන එරට නැගෙනහිර වෙරළට ඔබ්බෙන් වූ මුහුදු ප්‍රදේශයට බැලැස්ටික් මිසයිල කිහිපයක් එල්ල කර ඇති බව වාර්තා වේ.

ඒ අනුව දකුණු කොරියානු ඒකාබද්ධ මාණ්ඩලික ප්‍රධානීන්ගේ කාර්යාලය (JCS) උපුටා දක්වමින් එම වාර්තා පෙන්වා දෙන්නේ, මෙම මිසයිල උදෑසන 8:50 ට පමණ වොන්සාන් ප්‍රදේශයෙන් දියත් කර ඇති බවයි.

මෙම මිසයිල කිලෝමීටර් 240ක පමණ දුරක් පියාසර කර ඇති බවටසඳහන් වේ.

පසුගිය දින කිහිපය තුළ උතුරු කොරියාව සිය අවි පරීක්ෂණ දැඩි කර ඇති අතර, ඊයේ (07) දිනයේදී ද පියොන්ග්යැන්ග් නගරය අසලින් දියත් කළ මිසයිලයක් පියාසර කිරීමේ මුල් අවධියේදීම අසාර්ථක වී ඇති බව වාර්තා විය.

අද දින සිදුකළ මෙම නවතම මිසයිල දියත් කිරීම් හමුවේ දකුණු කොරියානු ජනාධිපති මන්දිරය වන ‘Blue House’ වහාම ක්‍රියාත්මක වන පරිදි හදිසි ජාතික ආරක්ෂක කවුන්සිල රැස්වීමක් කැඳවීමට පියවර ගෙන ඇත.

මෙම මිසයිල පරීක්ෂණ එක්සත් ජාතීන්ගේ ආරක්ෂක මණ්ඩල යෝජනා බරපතළ ලෙස උල්ලංඝනය කිරීමක් බව ජාත්‍යන්තර විචාරකයෝ පවසති. මෙම මිසයිලවල ස්වභාවය සහ ඒවා දියත් කිරීමේ සැබෑ අරමුණ කුමක්ද යන්න පිළිබඳව දකුණු කොරියානු සහ අමෙරිකානු ආරක්ෂක අංශ එක්ව මේ වන විටත් විශේෂ විමර්ශනයක් ආරම්භ කර තිබේ. කලාපීය ආරක්ෂාවට එල්ල වී ඇති මෙම තර්ජනය හමුවේ ජපානය ඇතුළු අසල්වැසි රටවල් ද දැඩි අවධානයෙන් පසුවන බව වාර්තා වේ.

මත් ලෝලීන්ටනම් කණගාටුදායක ආරංචියක් අවුරුද්දේ සුරාසැල් වසයි

ඉදිරි සති දෙකට ලෝකෙම බලන් හිටපු අවසරය හිමි වෙයි - හෝමුස් සමුද්‍ර සන්ධිය ගැන ඉරානයෙන් දුන්න නිල නිවේදනය