මහින්ද රාජපක්ෂ හිටපු ගෙදර වතුර ලයිට් කපයි?

පෙරේදා (07) දින හිටපු ජනා­ධි­පති මහින්ද රාජ­පක්ෂ මහතා පදිං­චිව සිටි කොළඹ 07, විජේ­රාම මාවතේ නිවසේ විදුලි හා ජල බිල්පත් හිඟ­යක් තිබීම හේතුවෙන් විදුලි සහ ජල සම්පා­දන සම්බ­න්ධතා විසන්ධි කිරී­මට කටයුතු කර ඇත.

නිවසේ රුපි­යල් ලක්ෂ­යක හිඟ විදුලි බිල්ප­තක් ඇති නිසා විදුලි බල මණ්ඩ­ලය විදු­ලිය විසන්ධි කිරී­ම­ටත් ජාතික ජල සම්පා­දන හා ජලා­ප­ව­හන මණ්ඩ­ලයේ නිල­ධා­රීන් ජල සම්බ­න්ධ­තාව විසන්ධි කිරී­ම­ටත් ගොස් තිබේ.

ෆොන්සේකා කිව්වා වගේ මහින්දව කකුල් දෙකෙන් එල්ලන්න ඕනේ විමල් විරවංශ කියයි

නමුත් එහි ආර­ක්ෂක අංශ නිල­ධා­රීන් පම­ණක් සිටින බැවින් ආපසු හැරී පැමිණ ඇති බව වාර්තා වේ. එම නිවසේ රුපි­යල් ලක්ෂ 6ක හිඟ ජල බිල්ප­තක් ඇති බව ජාතික ජල සම්පා­දන හා ජලා­ප­ව­හන මණ්ඩ­ලයේ සභා­පති චන්දන බණ්ඩාර මහ­තා­ගෙන් ‘දින­මිණ’ පුවත්පතට පවසා ඇත.

ඒ අනුව පෙරේදා (07) විජේ­රාම මාවතේ පිහිටි නිවසේ හිඟ බිල්පත් සම්බ­න්ධ­යෙන් ඉදිරි ක්‍රියා­මාර්ග ගැනීමේ සාමාන්‍ය ක්‍රම­වේ­දය අනුව ජලය අත්හි­ටු­වම සඳහා ජාතික ජල සම්පා­දන හා ජලා­ප­ව­හන මණ්ඩ­ලයේ සේව­ක­යන් එහි ගොස් ඇත.

නිවසේ ආර­ක්ෂා­වට රඳවා සිටින පොලිස් නිල­ධා­රීන් ජල බිල්පත් හිඟය සම්බ­න්ධ­යෙන් වග­කි­ව­යුතු පුද්ග­ල­යන් දැනු­ම්වත් කිරී­මට පිය­වර ගන්නා බව සඳ­හන් කර ඇති හෙයින් එම නිවසේ ජල සැප­යුම අත්හි­ටු­වී­මට මණ්ඩ­ලය පිය­වර ගෙන නොමැති බව ද සභා­ප­ති­ව­රයා පවසයි.

මහින්ද වහාම අත්අඩංගුවට ගන්න - ෆීල්ඩ් මාර්ෂල් සරත් ෆොන්සේකා

මහින්ද රාජ­පක්ෂ මහ­තාගේ පාර්ශ්ව­යෙන් ප්‍රකාශ කර ඇත්තේ විජේ­රාම මාව‍තේ පිහිටි නිවස මෙ‍‍තෙක් නිල වශ­යෙන් භාරදී නොමැති අතර රජ­යට අයත් භාණ්ඩ ලේඛන පරී­ක්ෂ­කර ඒවා වෙන් කර­ගැ­නී­මෙන් අන­තු­රුව මහින්ද රාජ­පක්ෂ මහ­තාට අයත් භාණ්ඩ ඉවත් කර­ගැ­නී­මෙන් පසුව නිවස නිල වශ­යෙන් භාර­දෙන බවයි.

විජේ­රාම මාව‍තේ පිහිටි නිවසේ ජනා­ධි­පති කාර්යා­ලය, අග්‍රා­මාත්‍ය කාර්යා­ලය සහ රාජ්‍ය පරි­පා­ලන අමා­ත්‍යාං­ශ­යට අයත් භාණ්ඩ ඇති බවත් ජනා­ධි­පති කාර්යා­ලයේ නිල­ධා­රීන් පැමිණ ජනා­ධි­පති කාර්යා­ල­යට අයත් භාණ්ඩ ලැයි­ස්තු­ගත කර ඇති බවත් සදහන් වේ.

මෛත්‍රී­පාල සිරි­සේන මහතා ජනා­ධි­පති ධුර­යට පත්වී­මට පෙර භාවිත කර ඇත්තේ මෙම නිව­සය. මෙම නිවසේ ඔහු රැඳී සිටින විට තිබුණු රජයේ භාණ්ඩ ද තව­මත් ඇතැයි විශ්වාස කෙරේ. එබැ­වින් ඒ සම්බ­න්ධ­යෙන් ද සොයා බැලී­මක් සිදු වනු ඇත.

රනිල් රටහැර රුසියාවට යයි හදිසි හමුවක් කැදවයි

මහින්ද රාජ­පක්ෂ මහතා මෙම නිව­සින් ඉවත්ව ගිය ද තව­මත් නිල වශ‍යෙන් නිවස භාරදී නොමැති බැවින් නිල වශ­යෙන් භාර දෙන දිනය දක්වා ඇති විදුලි සහ ජල බිල්පත් ද ගෙවී­මට සිදු වනු ඇත.

එබැ­වින් මෙම නිවස ඉතා ඉක්ම­නින්ම භාර ගැනී­මට රජය කට­යුතු කරනු ඇතැයි මහින්ද රාජ­පක්ෂ මහ­තාගේ පාර්ශ්වය ඉල්ලා සිටියි.

පාස්කු ප්‍රහාරයේ මහමොළකරු හොයාගත්තා ආන්දෝලනාත්මක ප්‍රකාශයක්