නව ජනාධිපති අනුර සමඟ කටයුතු කිරීමට IMF සූදානම් බව කියයි...
2022 දී ශ්රී ලංකාව එහි දරුණුතම ආර්ථික අර්බුදයකට පිවිසීමෙන් පසු ශ්රී ලංකාව ආර්ථික ප්රකෘතිමත් මාවතකට ගෙන ඒමට ඉවහල් වූ දුෂ්කර ජයග්රහණ මත ගොඩනැගීමට ජනාධිපති අනුර කුමාර දිසානායක මහතා ඇතුළු ඔහුගේ කණ්ඩායම සමඟ එක්ව කටයුතු කිරීමට බලාපොරොත්තු වන බව ජාත්යන්තර මූල්ය අරමුදල පවසයි.
ශ්රී ලංකාවේ ජනාධිපති ලෙස අනුර කුමාර දිසානායක මහතා තේරී පත් වූයේ දෙවැනි වටයේ ඡන්ද විමසීමකින් පසුවය.
මෙය රට ආක්රමණය කර ඇති ආර්ථික අර්බුදය සම්බන්ධයෙන් පුලුල්ව දෝෂාරෝපණයට ලක් වූ එවක ජනාධිපති ගෝඨාභය රාජපක්ෂ මහතාගේ ඉල්ලා අස්වීමට සහ රටින් පිටවීමට හේතු වූ 2022 සිවිල් අරගලයෙන් පසු පළමු මැතිවරණය විය.
55 හැවිරිදි වියේ පසු වන අනුර කුමාර දිසානායක මහතා ජයග්රහණය තහවුරු කර ගත්තේ වසර දෙකකට පෙර ආර්ථිකය පතුලටම ඇද වැටී තිබු රට භාරගත් ජනාධිපති රනිල් වික්රමසිංහට හා විපක්ෂ නායක සජිත් ප්රේමදාසට එරෙහිවය.
දිසානායක මහතා ඡන්ද 5,740,179ක් ලබාගත් අතර ප්රේමදාස මහතා 4,530,902ක් ලබා ගත් බව මැතිවරණ කොමිසමේ දත්ත පෙන්වා දෙයි.
2019 මැතිවරණයෙන් 3% ක ඡන්ද ප්රතිශතයක් පමණක් ලබා ගත් මිනිසෙකුට එය විශිෂ්ට පෙරළියකි.
එම අර්බුදයේ සෙවනැල්ලෙන් ගොඩ ඒමට අරගල කරන ජාතියක සහ වෙනසක් සඳහා මංමුලා සහගත ජනතාවක පාලනය ඔහුට දැන් උරුම වනු ඇත.
-
NPP 5634915
Anura Kumara Dissanayake
42.31% -
SJB 4363035
Sajith Premadasa
32.76% -
IND16 2299767
Ranil Wickremesinghe
17.27% -
SLPP 342781
Namal Rajapaksa
2.57%