අඩු වයසින් මිය යන එක වලක්වන්න දවසන මේ දේ විනාඩි 05කින් වැඩි කරන්න..නැතිනම් වෙනදේ මෙන්න.
Aruna
දැනට දිනපතා සිදු කරන ව්‍යායාමයන් විනාඩි පහක කාලයකින් දීර්ඝ කර ගැනීමෙන් අධි රුධිර පීඩනය සැලකිය යුතු මට්ටමකින් අඩු කරගත හැකි බව ලන්ඩන් විශ්වවිද්‍යාල විදුහල හා සිඩ්නි විශ්වවිද්‍යාලයේ පර්යේෂකයන් විසින් සිදු කර ඇති නවතම අධ්‍යයනයකදී අනාවරණය වී තිබෙනවා.
පරයේෂකයන් විසින් පුද්ගලයන් 15,000ක දෙනා යොදාගෙන පැය 24ක කාලයක් පුරා ඔවුන්ගේ දෛනික ක්‍රියාකාරකම් හා රුධිර පීඩනය අතර පවතින සම්බන්ධතාවය නිරීක්ෂණය කර ඇති අතර එහිදී දිනකට සිදු කරන ව්‍යායාමයන් තවත් විනාඩි පහක පමණ කාලයක් දීර්ඝ කර ගනිමින් පඩි පෙළවල් නැගීම හෝ පාපැදි පැදීම සිදු කිරීම අධි රුධිර පීඩනය අඩු කර ගැනීමට ප්‍රමාණවත් බව අනාවරණය වී ඇත.
බ්‍රිතාන්‍ය හෘද පදනම විසින් මෙම අධ්‍යයනය සඳහා අනුග්‍රහය දක්වා තිබේ.
මෙම අධ්‍යයනය සම්බන්ධ වාර්තාව ‘සර් කියුලේෂන්’ සඟරාවේ පළ කර ඇති අතර, දැනට ලොව පුරා වැඩිහිටියන් බිලියන 1.28ක පිරිසක් අධි රුධිර පීඩනයෙන් පෙළෙන බවයි අනාවරණය වී ඇත්තේ.
එම රෝගය ලොව පුරා අඩු වයසින් මිය යෑමට ප්‍රධානතම හේතුව වී ඇති බවයි වෛද්‍යවරු පවසන්නේ.
අධි රුධිර පීඩනය හෘදයාබාධ, ආඝාතය, හෘදය වස්තුව අකර්මණ්‍ය වීම, වකුගඩු අකර්මණ්‍ය වීම ඇතුළු සෞඛ්‍ය ගැටලු ගණනාවකටම හේතුකාරක වන බව ද වෛද්‍ය මතය වී ඇත.
