ඔබේ ජීවිතයට ආසාවක් තියේ නම් අද සිට මෙන්න මේ ප්‍රදේශ වලට යෑම දැඩි අවදානම්. - අද දවල් 12 වෙද්දී සිදු වූ දේ.
Wayomi
අද (21) දහවල් වන විට අයහපත් කාලගුණික තත්ත්වය හේතුවෙන් ගාල්ල දිස්ත්‍රික්කයේ ප්‍රාදේශීය ලේකම් කොට්ඨාස හයක පවුල් 07ක සාමාජිකයින් 29 දෙනෙකු පිඩාවට පත්ව ඇති බවයි ගාල්ල දිස්ත්‍රික් ආපදා කළමනාකරණ මධ්‍යස්ථානය සඳහන් කරන්නේ.
මෙලෙස බලපෑමට ලක්ව ඇත්තේ හික්කඩුව, තවලම, ඇල්පිටිය සහ නියාගම යන ප්‍රාදේශීය ලේකම් කොට්ඨාසවල පිරිසක්.
එම මධ්‍යස්ථානය සඳහන් කරන්නේ, අද දහවල් වන විටත් ගිං ගඟේ ඉහල ජල පෝෂක ප්‍රදේශවලට ඇදහැලන ධාරානිපාත වර්ෂාව හේතුවෙන් නෙළුව, හිනිඳුම, තවලම ප්‍රදේශවල ගිං ගඟ අවට පහත් බිම්ද යටවෙමින් පවතින බවයි.
එමෙන්ම ගාල්ල දිස්ත්‍රික් ලේකම් ඩබ්ලිව්.ඒ ධර්මසිරි කියා සිටියේ, ආපදාවට පත්ව සිටින පවුල් සඳහා අවශ්‍ය සහන සැලසීම සඳහා කඩිනම් පියවර ගෙන ඇති බවයි.
අද පෙරවරුවෙන් අවසන් වූ පැය 24 තුළ ගාල්ල දිස්ත්‍රික්කය වැඩිම වර්ෂාපතනය තවලම ප්‍රදේශයෙන් වාර්තා වී ඇති අතර, එහි අගය මිලිමීටර 157.2ක්. බද්දේගමට මිලිමීටර 153.2 වර්ෂාපතනයක් ලැබී තිබෙනවා.
මේ අතර, පවතින අධික වැසි සහිත කාලගුණ තත්ත්වය හමුවේ ගිං ගඟේ ජල මට්ටම ඉහළ යාම හේතුවෙන් නෙළුව ,තවලම, නාගොඩ නියාගම, වැලිවිටියේ දිවිතුර, ඇල්පිටිය, අක්මීමන, බද්දේගම, බෝපේ, පෝද්දල යන ප්‍රදේශීය ලේකම් කොට්ඨාසවලට වාරිමාර්ග දෙපාර්තමේන්තුව විසින් ගංවතුර අනතුරු ඇඟවීම් නිකුත් කර ඇත.
එමෙන්ම ගිංගග අවට පහත්බිම් වල ජනතාව ගිංගග ආශ්‍රිතව ප්‍රධාන මාර්ග හා අතුරු මාර්ග භාවිතා කරන රියදුරන් මහජනතාව පිළිබඳව දැඩි අවධානයෙන් කටයුතු කරන ලෙසයි එම දෙපාර්තමේන්තුව දැනුම් දී ඇත්තේ.
