“චට්නි වෙනුවට සියඹලා චට්නි දුන්නාට උරණ වී දැවැන්ත ගැටුමක්” - ඉන්දියාවේ උත්තර් ප්‍රදේශ්හි සිදුවූ අමුතු සිදුවීමක් [VIDEO]

ඉන්දියාවේ උත්තර් ප්‍රදේශ් ප්‍රාන්තයේ හපුර් ප්‍රදේශයේ පාන් පකෝඩා සමඟ ලබාදුන් චට්නි වර්ගයක් සම්බන්ධයෙන් ඇති වූ මතභේදයක් දුරදිග යාමෙන් දෙපිරිසක් අතර ගැටුමක් හටගෙන තිබේ.

සිද්ධිය සිදුව ඇත්තේ හපුර්හි ඩෙහ්රා ප්‍රදේශයේ කාර්යබහුල වෙළෙඳපොළකදීය. වාර්තා වන පරිදි, පාන් පකෝඩා මිලදී ගැනීමට පැමිණි පිරිසක් තමන්ට අවශ්‍ය කොළ චට්නි වෙනුවට සියඹලා චට්නි ලබාදීම සම්බන්ධයෙන් වෙළෙඳසැල් හිමියා සමඟ උරණ වී තිබේ.

අනතුරුව එම පිරිස වෙළෙඳසැල් හිමියාට පහරදීමට පටන්ගෙන ඇති අතර, ඔහුගේ ආරක්ෂාවට තවත් පිරිසක් පැමිණීමත් සමඟ ගැටුම උණුසුම් වී ඇත.

ගැටුම අතරතුර පිති, ගල්, බඳ පටි සහ පාන් පකෝඩා බැදීමට භාවිත කරන බවට සැලකෙන විශාල යකඩ පෙරනයක් ද භාවිත කර ඇති බව වාර්තා වේ. සමාජ මාධ්‍ය ඔස්සේ පැතිර යන වීඩියෝ දර්ශනවල පුද්ගලයෙකු ඇදගෙන යමින් සහ තල්ලු කරමින් පහරදෙන ආකාරය දැකගත හැකිය.

එම අවස්ථාවේ ඔහුගේ ටී-ෂර්ටය ඉරී යාමට ආසන්න තත්ත්වයක් ද දක්නට ලැබේ. තවත් පුද්ගලයෙකු යකඩ පෙරනයකින් පහරදීමෙන් පසුව පහරකෑමට ලක්වූ පුද්ගලයෙකු මොහොතකට සිහිසුන්ව සිටින ආකාරයක් ද වීඩියෝවේ දැක්වේ.

පසුව ඔහු සිහි ලබා මාර්ගයේ වැටී සිටි තවත් පුද්ගලයෙකුට උපකාර කිරීමට උත්සාහ කරන ආකාරයද දක්නට ලැබේ. ගැටුම අතරතුර නිල් පැහැති ටී-ෂර්ටයක් ඇඳ සිටි පුද්ගලයෙකු ගලක් විසි කරන ආකාරයත්, කිහිපදෙනෙකු ක්‍රිකට් පිත්තක් අල්ලා ගැනීමට පොරබදන ආකාරයත් වීඩියෝවල දැක්වේ.

බඳ පටියක් අතැතිව සිටින පුද්ගලයෙකුගේ කමිසයෙන් ඇදගෙන යන ආකාරයද එහි දක්නට ඇත. කාන්තාවක් ගැටුම නතර කිරීමට උත්සාහ කළද එය සාර්ථක වී නොමැත.

මැද පෙරදිග යළි උණුසුම් කරමින් ලෝක තෙල් මිල නැවතත් අහස උසට යයි - ගිනි ගණන් යන නවතම තෙල් මිල මෙන්න

මෙම ගැටුමෙන් පුද්ගලයින් සිව්දෙනෙකු තුවාල ලබා තිබේ. සිද්ධිය සම්බන්ධයෙන් ඩෙහ්රා ප්‍රදේශයේ කණ්ඩායම් දෙකක් අතර ගැටුමක් පිළිබඳ තොරතුරු ලැබී ඇති බවත්, සිද්ධියට අදාළ වීඩියෝවක්ද ලැබී ඇති බවත් වට ප්‍රදේශ නිලධාරී මුනිෂ් චන්ද්‍රා පවසා තිබේ.

තුවාල ලැබූවන් වෛද්‍ය පරීක්ෂණ සඳහා යොමු කර ඇති අතර, වීඩියෝ දර්ශන පදනම් කරගනිමින් ගැටුමට සම්බන්ධ පුද්ගලයින් හඳුනාගෙන අවශ්‍ය නීතිමය පියවර ගන්නා බව ඔහු සඳහන් කර ඇත.

බාග්පත්හි ‘චාට් සටන’

මෙම සිද්ධිය මීට වසර පහකට පෙර ඉන්දියාවේ උත්තර් ප්‍රදේශ් ප්‍රාන්තයේම බාග්පත් ප්‍රදේශයේ සිදුවූ චාට් අලෙවිකරුවන් අතර ගැටුම සිහිපත් කරවන්නක් බව ඉන්දීය මාධ්‍ය වාර්තා කරයි.

2021 වසරේදී පාරිභෝගිකයන් තම වෙළෙඳසැල් වෙත ආකර්ෂණය කර ගැනීම සම්බන්ධයෙන් චාට් අලෙවිකරුවන් දෙපිරිසක් අතර ගැටුමක් හටගෙන තිබිණි.

එම ගැටුමේ වීඩියෝවක් සමාජ මාධ්‍ය ඔස්සේ වේගයෙන් පැතිර යාමත් සමඟ දිගු හෙනා පැහැති හිසකෙස් සහ කුර්තා ඇඳුමකින් සැරසී සිටි පුද්ගලයෙකු ‘Einstein Chacha’ යන අන්වර්ථ නාමයෙන් ජනප්‍රිය විය.

වසර 100කට පසු නව පෙන්ගුවින් විශේෂයක් හඳුනාගැනෙයි - සුන්දර පෙන්ගුවින්වරුන් ගැන අපූරු සොයාගැනීමක්

It’s the 2nd Anniversary of the deadliest “Battle of Papdi-Chaat” fought at Baghpat that brought the world to its knees. https://t.co/JSXvreC2n6

— Yo Yo Funny Singh (@moronhumor) February 22, 2023