රජයම වෙව්ලයි.. ඉබෝලා මරණ සංඛ්‍යාව 3,901 දක්වා ඉහළට

අප්‍රිකානු රටක් වන කොංගෝවේ ඉබෝලා වෛරසය පැතිරීම තවදුරටත් වර්ධනය වෙමින් පවතින බව වාර්තා වේ.

කොංගෝ සෞඛ්‍ය අමාත්‍යාංශය නිකුත් කළ නිවේදනයකට අනුව මේ වන විට පුද්ගලයින් 8,067 දෙනෙකුට ඉබෝලා ආසාදනය වී ඇති බව තහවුරු වී ඇති අතර, ඉන් 3,901 දෙනෙකු මියගොස් තිබේ. ඒ අනුව වාර්තා වී ඇති මරණ අනුපාතය සියයට 48.4ක් වේ.

මැයි මස මැද භාගයේදී ඉබෝලා ව්‍යාප්තිය පිළිබඳව වාර්තා වීමෙන් අනතුරුව එය තවදුරටත් පැතිර යමින් පවතින බව එරට සෞඛ්‍ය බලධාරීන් පෙන්වා දෙයි.

කොංගෝවේ පළාත් 7කට අයත් සෞඛ්‍ය කලාප 63කින් ආසාදිතයින් වාර්තා වී ඇති අතර, එම ප්‍රදේශවලින් වාර්තා වන ආසාදිතයින් සංඛ්‍යාව සමස්ත ආසාදිතයින්ගෙන් සියයට 76.4ක් බව සඳහන් වේ.

ශ්‍රී ලංකාවේ ඉන්ධන මිල සංශෝධනයක් - දැනට තියෙන ඉන්ධන මිල අඩුම මිලටත් වඩා අඩුවෙන් තියෙන්නේ - රජයට විශේෂ ඉල්ලීමක්

ලොව මාරාන්තික වෛරස් රෝග අතරට අයත් ඉබෝලා ආසාදනය වීමෙන් දරුණු රුධිර වහනය, අභ්‍යන්තර අවයව අක්‍රිය වීම සහ මරණය සිදුවිය හැකිය.

මේ අතර, ඉබෝලා වෛරසය උගන්ඩාව සහ දකුණු සුඩානය ඇතුළු අසල්වැසි රටවලට පැතිර යා හැකි බවටද සෞඛ්‍ය බලධාරීන් අතර අවධානය යොමුව තිබේ.

මෙම ව්‍යාප්තිය සම්බන්ධයෙන් ලෝක සෞඛ්‍ය සංවිධානය විසින් ගෝලීය සෞඛ්‍ය හදිසි අවස්ථාවක් ප්‍රකාශයට පත් කර ඇති බවද වාර්තා වේ.

මෙවර ව්‍යාප්තියට හේතුව ලෙස බන්ඩිපාකියෝ වෛරසය හඳුනාගෙන ඇති අතර, ඒ සඳහා නිශ්චිත එන්නතක් හෝ ප්‍රතිකාරයක් මෙතෙක් නොමැති බව සඳහන් වේ.

කෙසේ වෙතත්, කොංගෝවේ මේ වන විට සායනික අත්හදා බැලීම් සිදුකෙරෙමින් පවතින අතර, ව්‍යාප්තිය තවදුරටත් ඉහළ යාමත් සමඟ එය වෙනත් රටවලට පැතිරීමේ අවදානම පිළිබඳවද අවධානය යොමු වී තිබේ.  

රු. මිලියන 6.6ක් ගෙවන්න, පුවත්පත්වල සමාව ඉල්ලන්න - හිටපු ඇමති ෆවුසිට ශ්‍රේෂ්ඨාධිකරණයෙන් නියෝගයක්

ආණ්ඩුව හෙල්ලෙන්න තවත් දැවැන්ත රැළියක්.. අනුරාධපුරයට නොදෙවෙනි ජන බලයක් පෙන්වන්න පොහොට්ටුව සූදානම්