අල ලූනු බදු ඉහළ දාන්න දුන්න නියෝගෙට පයින් ගහලා අධ්‍යක්‍ෂ ජනරාල් කෙනෙක් ඉල්ලා අස් වෙලාලු

ආනයනික ද්‍රව්‍ය වෙනුවෙන් බදු පැනවීමේ ප්‍රතිපත්තියට පටහැනිව අල සහ ලූනුවල බදු ඉහළ දමන ලෙසට මුදල් අමාත්‍යාංශ ලේකම්වරයාගෙන් ලැබුණු නියෝගයක් ක්‍රියාත්මක කිරීම ප්‍රතික්ෂේප කළ මුදල් අමාත්‍යංශයේ වෙළෙඳ ආයෝජන ප්‍රතිපත්ති දෙපාර්තමේන්තුවේ අධ්‍යක්ෂ ජනරාල් ප්‍රදීප් කුමාර මහතා තම තනතුරෙන් ඉල්ලා අස්වූ බව මුදල් අමාත්‍යාංශ ආරංචි මාර්ග පවසයි.

අස්වනු නෙළන කාලයට ආනයනික අල ලූනුවලට මුදල් අමාත්‍යවරයා බදු පැනවීම සාමාන්‍යයෙන් සිදු කරයි.

තෙල් මිල ගැන ලැබුණු සුබ ආරංචිය

එසේ වුවත් එම බදු පැනවීමට කැබිනට් අනුමැතිය ලබාගත යුතු බව එම නීතියේ ඇතුළත් වේ. තත්ත්වය එසේ වුවත් මෙවර බදු පැනවීමට කැබිනට් අනුමැතියකින් තොරව මුදල් අමාත්‍යාංශ ලේකම්වරයා අධ්‍යක්ෂ ජනරාල්වරයාට නියෝග කර ඇති බව සඳහන්.

ඒ අනුව එම නියෝගය නීතියට පටහැනි බව කියමින් බදු පැනවීමේ ගැසට්ටුව නිකුත් කළ නොහැකි බව වෙළෙඳ ආයෝජන ප්‍රතිපත්ති දෙපාර්තමේන්තුවේ අධ්‍යක්ෂ ජනරාල්වරයා අමාත්‍යංශ ලේකම්වරයාට දැනුම් දී තිබෙනවා.

එසේම අමාත්‍යංශ ලේකම්වරයා කෙසේ හෝ මෙම කටයුත්ත සිදුවිය යුතු බවට යළි නියෝග කළ නිසා එම නීතිවිරෝධී නියෝගය ඉටුකළ නොහැකි බව කියමින් අධ්‍යක්ෂ ජනරාල් ප්‍රදීප් කුමාර මහතා තම තනතුරෙන් ඉල්ලා අස්වූ බව වැඩිදුරටත් වාර්තා වී ඇත.

නඩු 14ක් තියෙනවා - පුළුවන් නම් අත්අඩංගුවට ගන්න කියලා මහින්දගෙන් අභියෝග

ඊට අමතරව රේගු ආරංචි මාර්ග සඳහන් කරන්නේ මෙම බදු පැනවීමට දින කිහිපයකට පෙර ලූනු මෙට්‍රික් ටොන් 27,000ක් පමණ ආනයනකරුවන් ආනයනය කර ඇති බවයි.

ශ්‍රී ලංකාවේ සාමාන්‍යයෙන් මාසික ලූනූ අවශ්‍යතාව මෙට්‍රික් ටොන් 20,000 ක් පමණ වේ.

එබැවින් එම ලූනු නව බද්ද නොගෙවා ආනයනය කර ඇති වුවත් බදු සහිතව වැඩි මිලට අලෙවි කරන බව සඳහන්.

මෙම ක්‍රියාවෙන් ලූනු ආනයනකරුවන් රුපියල් කෝටි 100කට අධික විශාල ලාබයක් ලබන බව තොග වෙළෙඳපොල ආරංචි මාර්ග පවසයි.

රට පුරා විදුලිය බිද වැටීමක් - විදුලිබල මණ්ඩලයෙන් අනතුරු ඇගවීමක්

රනිල් එළියට ගන්න ඇප දුන්න තුන් දෙනා ගැන ඇහුවොත් පුදුම වෙනවා - මෙන්න විස්තරේ