ප්‍රෙග්නට් වෙලා ක්ලිනික් එකට යන මුවාවෙන් කුඩු විකුණු කපල් එක මාට්ටූ

මේ වන විට රට පුරා මන්ත්‍රව්‍ය ජාලාව තුළ නොයෙකුත් සිදුවීම් වාර්තා වීම සිදුවේ. අයිස් ඇතුළු ප්‍රබල මත්ද්‍රව්‍ය රැසක් ලංකාව පුරා ව්‍යාප්ත වී පවතින කාලයක් තුළ රජය මත්ද්‍රව්‍ය නිවාරණය කිරීම සඳහා විවිධ නීතිමය පියවර ගෙන තිබේ.

එහි ප්‍රතිඵල ලෙස විවිධ සෝදිසි කිරීම් සහ නීතිය ක්‍රියාත්මක කිරීම මත මෙම මත්ද්‍රව්‍ය ජාලය තුළ නිරත වී සිටින පුද්ගලයන් රැසක් අත්අඩංගුවට ගැනීමට හැකියාව ලැබී ඇත.

ඒ අනුව ගැබිනි මව්වරුන්ගේ සායනයට යන මුවාවෙන් අයිස් මත්ද්‍රව්‍ය අලෙවිකළ අඹුසැමි යුවළක් නාවලපිටිය පොලීසිය විසින් අද (26) අත්අඩංගුවට ගෙන තිබේ.

හිටපු ඇමැති මනුෂ අත්අඩංගුවට කලින්ම අපේක්ෂිත ඇප අයදුම් කරයි

මෙම අඹුසැමි යුවළ ඊසි කෑෂ් ක්‍රමයට මුදල් ලබාගෙන ගම්පොළ, නාවලපිටිය ප්‍රදේශවල යතුරු පැදියකින් අයිස් මත්ද්‍රව්‍ය බෙදාහරිමින් සිටියදී අත්අඩංගුවට ගෙන ඇත. ඔවුන් නාවලපිටිය දොලොස්භාග මාර්ගයේ පිහිටි පැරණි දුම්රිය නිල නිවස අසළ ඇසුරුම් කරන ලද අයිස් පැකට් තබා සිට ඇති බව සඳහන්.

සැකකරුවන් පරීක්ෂා කිරීමේදී ඇසුරුම් කරන ලද අයිස් මත්ද්‍රව්‍ය පැකට් 52ක් (ග්‍රෑම් 35ක්) සොයාගෙන ඇති අතර, එම පැකට්වලින් කිහිපයක් සැකකාර කාන්තාවගේ යට ඇදුම්වල සඟවා තිබී සොයාගෙන ඇත. සැකකාර අඹුසැමි යුවළ ගම්පොළ කිරපන ප්‍රදේශයේ පදිංචි අවුරුදු 23 හා 27 වයස්වල පසුවන්නන්ය.

ආයි පල්ලම් බහින රන් මිල - අද මිල ගණන් මෙන්න

ඔවුන් 'ඩුබායි තාරු' නමැති මත්ද්‍රව්‍ය ජාවාරම්කරුගෙන් මත්ද්‍රව්‍ය මිලදී ගෙන ඊසි කෑෂ් ක්‍රමයට මෙම බෙදාහැරීම් සිදුකර ඇති බව සඳහන්. අත්අඩංගුවට ගත් අඹුසැමි යුවළ නාවලපිටිය මහෙස්ත්‍රාත් අධිකරණයට ඉදිරිපත් කිරිමට නියමිතය.

වාහන තුනක් ගැටී බණ්ඩාරගමදී බිහිසුණු අනතුරක් 11ක් රෝහලට