මහ බැංකු අධිපති ආචාර්ය නන්දලාල් වීරසිංහගේ වත්කම් මෙන්න, බිලියන බාගයකට ආසන්නයි

රට තුළ මේ වන විට වත්කම් හා බැරකම් ප්‍රකාශ සම්බන්ධයෙන් වැඩි වශයෙන් සාකච්ඡාවට ලක් වේ.

ඒ අනුව 2023 අංක 09 දරන දූෂණ විරෝධී පනතේ දක්වා ඇති ආකාරයට ජනාධිපතිවරයා, පාර්ලිමේන්තුවේ සාමාජිකයන්, තානාපතිවරුන් ඇතුළු උසස් නිල තල දරන පුද්ගලයන් මෙන් ම මහ බැංකු අධිපතිවරයා ද තම වත්කම් සහ බැරකම් ප්‍රකාශ අල්ලස් හෝ දූෂණ විමර්ශන කොමිෂන් සභාව වෙත ලබා දිය යුතු වේ.

මුදල් මණ්ඩලය එක් දින ප්‍රතිපත්ති පොළී අනුපාතය ගැන දුන් තීරණයක් ගැන මහ බැංකුවෙන් ප්‍රකාශයක්

එහිදී මහ බැංකුවේ අධිපති ආචාර්ය නන්දලාල් වීරසිංහ මහතාගේ වත්කම් සම්බන්ධයෙන් ලද වාර්තාවක් පහතින් දැක්වේ,

01. නිශ්චල වත්කම්

ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහගේ සහ ඔහුගේ පවුලේ නිශ්චල දේපළ සහ ඒවායේ වටිනාකම පහත පරිදි ය.

ත්‍යාග ලෙස ලැබුණු රු. මිලියන 55ක් වටිනා පර්චස් 42ක ඉඩම

ත්‍යාග ලෙස ලැබුණු රු. මිලියන 29.3ක් වටිනා වර්ග මීටර් 78ක වාණිජ ගොඩනැගිල්ල

මිල දී ගත් රු. 250,000.00ක් වටිනා පර්චස් 20ක ඉඩම

මිල දී ගත් රු. 200,000.00ක් වටිනා පර්චස් 10ක ඉඩම

ඉදි කළ රු. මිලියන 3.17ක් වටිනා වර්ග අඩි 2,500ක නේවාසික ගොඩනැගිල්ල

මිල දී ගත් රු. මිලියන 12ක් වටිනා පර්චස් 18ක ඉඩම

මිල දී ගත් රු. මිලියන 25.79ක් වටිනා වර්ග අඩි 1,117 මහල් නිවාසය

දේපළ මිලට ගැනීමේ ගිවිසුමකින් ලබා ගත් රු. මිලියන 19ක් වටිනා වර්ග අඩි 1,200ක මහල් නිවාසය

02. චංචල වත්කම්

මහ බැංකු අධිපතිවරයාගේ සහ ඔහුගේ පවුලේ චංචල දේපළ ලෙස දක්වා ඇත්තේ රන් ආභරණ සහ රථවාහන ය. ඒවායේ වටිනාකම පහත පරිදි ය.

උරුමයෙන් හිමි වූ රු. 600,000.00ක් වටිනා රන් ආභරණ 5ක්

මිල දී ගත් රු. මිලියන 4.8ක් වටිනා රන් ආභරණ 28ක්

උරුමයෙන් හිමි වූ රු. මිලියන 1.1ක් වටිනා රන් ආභරණ 13ක්

2018 නිෂ්පාදිත රු. මිලියන 10ක් වටිනා මර්සිඩීස් මෝටර් රථයක්

2003 නිෂ්පාදිත රු. 650,000.00ක් වටිනා මෝටර් රථයක්

03. සුරැකුම්පත්

ආචාර්ය නන්දලාල් වීරසිංහ සහ ඔහුගේ පවුල සතුව පවතින සුරැකුම්පත් අතර භාණ්ඩාගාර බැඳුම්කර, කොටස් හිමිකරිත්වයන් සහ ස්ථිර තැන්පතු ඇතුළත් වේ.

රු. මිලියන 19.4ක් වටිනා භාණ්ඩාගාර බැඳුම්කර

රු. මිලියන 13.37ක් වටිනා භාණ්ඩාගාර බැඳුම්කර

රු. මිලියන 8.11ක් වටිනා භාණ්ඩාගාර බැඳුම්කර

රු. මිලියන 4.72ක් වටිනා භාණ්ඩාගාර බැඳුම්කර

රු. 606,451.00ක් වටිනා කොටස් හිමිකාරීත්වය ඇ. ඩො. 580,908.00ක් වටිනා කොටස් හිමිකාරීත්වය

රු. 3,403,711.00ක ස්ථිර තැන්පතුව

රු. 3,403,711.00ක ස්ථිර තැන්පතුව 

වත්කම් බැරකම් නොදුන්නු ආණ්ඩුවේ ලොක්කන්ගේ ලිස්ට් එක මෙන්න කරන්න යන දේ ගැන අල්ලස් කොමිසමෙන් තීරණයක්

04. ආදායම්

මේ පසුගිය වසර තුළ ආචාර්ය නන්දලාල් වීරසිංහ සහ ඔහුගේ පවුලේ අය විසින් උපයාගනු ලැබූ මුදල් සහ ආදායම් මාර්ග පහත පරිදි වේ.

 රු. 11,088,279.95 – විශ්‍රාම වැටුප

රු. 5,434,512.00 – වැටුප

රු. 5,855,048.00 – පොළිය

රු. 2,280,000.00 – කුලී ආදායම

රු. 5,149,740.00 – පොළිය

රු. 600,000.00 – විශ්‍රාම වැටුප

05. මූල්‍යමය වත්කම්

මහ බැංකු අධිපතිවරයාගේ මූල්‍යමය වත්කම් නිරීක්ෂණයේදී ඔහු සහ ඔහුගේ පවුල සතුව විදේශ මුදලින් ද වත්කම් ඇති බව පෙනී යයි.එම වත්කම් පහත පරිදි ය.

බැංකු ගිණුම්වල ඇති රු. 685,884.00ක මුදල්

බැංකු ගිණුම්වල ඇති ඇ. ඩො. 110ක මුදල්

බැංකු ගිණුම්වල ඇති ඕස්ට්‍රේලියානු ඩොලර් 16,730ක මුදල්

06. මුළු වත්කම් ප්‍රමාණය

ආචාර්ය නන්දලාල් වීරසිංහගේ වත්කම් ශ්‍රී ලංකා රුපියල්, ඇමෙරිකානු ඩොලර් සහ ඔස්ට්‍රේලියානු ඩොලර්වලින් දක්වා තිබෙනවා.

එබැවින් ඔහු හා ඔහුගේ පවුල සතුව රු.245,979,337ක්, ඇ.ඩො. 581,018ක් සහ ඔස්ට්‍රේලියානු ඩොලර් 16,730ක වත්කම් ඇති බව සඳහන්.

එල්ටීටීඊ යුද්ධෙදී උතුරෙන් හොයාගත්ත රත්තරන් තොගේට මොකද වුණේ? මෙන්න උත්තරේ