ජවිපෙ සම්බන්ධ චෝදනා අල්ලස් කොමිසමේ අධ්‍යක්ෂ ජනරාල් ප්‍රතික්ෂේප කරයි

අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් මහාධිකරණ විනිසුරු රංග දිසානායක මහතා, ජනතා විමුක්ති පෙරමුණේ නීති කණ්ඩායමේ සේවය කළ බවට එල්ල වූ චෝදනාවන් සම්පූර්ණයෙන්ම ප්‍රතික්ෂේප කරමින්, එවැනි ප්‍රකාශ මගින් කොමිසමේ තීරණාත්මක වැදගත් පරීක්ෂණ අඩපණ කිරීමේ හිතාමතාම උත්සාහයක් ගන්නා බව චෝදනා කර ඇත.

ද අයිලන්ඩ් පුවත්පතට අදහස් දක්වමින් රංග දිසානායක මහතා පැවසුවේ, අධිකරණයට සම්බන්ධ වීමට පෙර 2000 සිට 2004 දක්වා නීතිඥයෙකු ලෙස සේවය කළ බවත්, කිසිවිටෙකත් JVP සංවිධානයකට සම්බන්ධ වී නොමැති බවත්ය.

“මෙම ප්‍රකාශයට කිසිදු පදනමක් නැහැ. අල්ලස් හෝ දූෂණ චෝදනා විමර්ශන කොමිෂන් සභාවේ කොමසාරිස්වරුන් සමඟ මෙම ගැටලුව සාකච්ඡා කිරීමට මම අදහස් කරනවා. සුදුසු ක්‍රියාමාර්ග ගනු ඇත” ඔහු වැඩිදුරටත් පැවසීය.  

ආණ්ඩුව හදන්නේ මේ රට තුළ ‘ඩ්‍රග්ස්’ සහ ‘සෙක්ස්’ සංස්කෘතිය ඇති කරන්න මේක විකෘතියක් - විමල්

මෙම චෝදනාව මෑතකදී රූපවාහිනී වැඩසටහනකදී ජනතා විමුක්ති පෙරමුණේ හිටපු මන්ත්‍රී හා වත්මන් එක්සත් ජාතික පක්ෂ සාමාජික නන්දන ගුණතිලක මහතා විසින් ඉදිරිපත් කළේය. ගුණතිලක මහතා රංග දිසානායක මහතා එවකට තම යටතේ ජනතා විමුක්ති පෙරමුණේ නීති නිලධාරියෙකු ලෙස සේවය කළ බව ප්‍රකාශ කරමින්, අල්ලස් කොමිසමේ අධ්‍යක්ෂ ජනරාල් ධුරයට ඔහුගේ පත්වීම මධ්‍යස්ථ ලෙස සැලකිය හැකිදැයි ප්‍රශ්න කළේය.

මේ අතර, 2014දී කොළඹ රාජකීය විද්‍යාලයට තම පුතා ඇතුළත් කිරීමට මැදිහත් වූ බවට ව්‍යාජ චෝදනාවක් එල්ල කරමින් අල්ලස් කොමිසම අපකීර්තියට පත් කිරීමේ උත්සාහයක් ගත් බවත් රංග දිසානායක මහතා හෙළිදරව් කළේය. “කොමිසමේ පරීක්ෂණවලින් බියවන අයට එවැනි පියවර ගැනීමට හැකියි,” ඔහු තවදුරටත් පෙන්වා දුන්නේය.

කීපවතාවක් දේහය ගොඩ ගත් වසීම් තාජුඩීන්ගේ නඩුව පවුලේ ඉල්ලීමකින් නැවත විමර්ශනයකට..

ලංකාවේ රන් මිල වාර්තාගත ලෙස ඉහළට