මට වැඳලා ඉස්කෝලේ ගිය මගේ කොල්ලා තාම ආවේ නෑ දෙයියනේ උදෙන්ම කුස්සියට එන දරුවා තාම ආවේ නෑ

අනුරාධපුර තලාවේ සිට 411 ගම්මානය දක්වා ගමන්ගත් මගී ප්‍රවාහන පෞද්ගලික බස් රථයක් අනතුරකට ලක්ව ජීවිතක්ෂයට පත්වූ පාසල් සිසුවාගේ දේහය නිවසට රැගෙන එන තුරු නිවැසියන් මග බලමින් සිටින අතර අනතුරින් 52 දෙනෙකු තුවාල ලැබූ අතර, ඉන් 5 දෙනෙකුගේ තත්ත්වය බරපතළව ඇත.

ඊයේ (10) මධ්‍යහ්න 12.00ට පමණ ජයගඟ හන්දිය ප්‍රදේශයේදී බස් රථය අනතුරට සිදු වූ අතර උදෑසන 11.30ට පමණ තලාව බස් නැවතුම්පොළෙන් ධාවනය ඇරඹි බස්රථය ජයගඟ හරහා අන්දරවැව දක්වා දිවෙන මාර්ගයේ ධාවනය කරමින් තිබී ඇත.

මොන අපරාධයක්ද ? පාඩම් පොත උඩම පණ ගිය උසස් පෙළ සිසුවියගේ මරණයට හේතුව හෙළිවේ

ඉදිරියෙන් පැමිණි යතුරු පැදියකට ඉඩ ලබාදීමට උත්සාහ කිරීමේදී බස් රථය මාර්ගයෙන් ඉවතට ධාවනය වී අඩි 08ක පමණ පල්ලමකට පෙරළී අනතුර සිදු වූ අතර ප්‍රදේශවාසීන් පිරිස මුදාගැනීමට කටයුතු කළහ.

අනතුරින් තලාව ප්‍රදේශයේ පදිංචිව සිටි පසිඳු දිල්ෂාන් නැමැති තලාව ජාතික පාසලේ ඉගෙනුම ලබන 16 හැවිරිදි පාසල් සිසුවෙකු ජීවිතක්ෂයට පත්විය. පසිඳුගේ මව හැඬූ කඳුළින් "ඉස්කෝලේ ගිය මගේ කොල්ලා තාම ආවේ නෑ...වෙනදා උදේම නැඟිටින කොල්ලා අද තාම ආවේ නෑ කුස්සියට. අම්මා මම යනවා කියලා මට වැඳලා ගිය කොල්ලා ආය ආවේ නෑනේ ගෙදර..." යැයි පැවසීය.

මෙවර උසස් පෙළ විභාගයට මුහුණදෙන දරුවන් පිරිසක් සහ තලාව ප්‍රදේශයේ පැවති සම්මන්ත්‍රණයකට එක්වූ පාසල් සිසුන් පිරිසක් ද එම බස් රථයේ සිට ඇතැයි වාර්තා වුණි.

දැන් හරිනේ - භයානක බෝම්බ ප්‍රහාරයට දෙදෙනෙක් අත්අඩංගුවට

අනතුරින් තුවාල ලැබූ පිරිස අනුරාධපුර ශික්ෂණ රෝහලට සහ තලාව ප්‍රාදේශීය රෝහලට ඇතුලත් කර ප්‍රදේශවාසීන් ඇතුළු පිරිස බස් රථය එම ස්ථානයෙන් ඉවත් කිරීමට කටයුතු කළේය. සිද්ධිය සම්බන්ධයෙන් බස් රියදුරු තඹුත්තේගම පොලීසිය විසින් අත්අඩංගුවට ගත් අතර අනතුර පිලිබදව තඹුත්තේගම පොලීසිය වැඩිදුර විමර්ශන සිදුකරයි.