සා.පෙළ ප්‍රතිඵල එනකොට උසස් පෙළ විභාගය ගැන රටටම දැනුම්දීමක්.. ඒ විභාග කොමසාරිස් ජනරාල්වරයාගෙන්..(VIDEO)
krishani
2023 (2024) අ.පො.ස සාමාන්‍ය පෙළ විභාගයේ ප්‍රතිඵල ඊයේ (28) මධ්‍යම රාත්‍රියේ දී නිකුත් කෙරිණ.
ඒ අනුව සාමාන්‍ය පෙළ විභාගයේ ප්‍රතිඵල සම්බන්ධයෙන් මාධ්‍ය වෙත අදහස් දක්වමින් විභාග කොමසාරිස් ජනරාල්වරයා විශේෂ ප්‍රකාශයක් සිදු කළේ ය.
එහිදී ඒ මහතා ඉදිරියේ දී පැවැත්වෙන උසස් පෙළ විභාගය සම්බන්ධයෙන් ද අදහස් දැක්වීමක් සිදු කළේ ය.
ඒ සැලසුම් කළ පරිදි නොවැම්බර් මස 25 වෙනිදා ආරම්භ වන බවත් දෙසැම්බර් 20 වෙනිදා දක්වා පැවැත්වෙන බවත් ය.
එමෙන්ම, ඒ අතරට වැටෙන ඉරිදා දිනයන් සහ රජයේ නිවාඩු දිනයන් හැරුනු කොට අනිත් සෑම දිනයක දී ම විභාගය පැවැත්වෙන බව ඒ මහතා පැවසීය.
වීඩියෝ දර්ශන පහතින් නරඹන්න,
මේ අතර, නිකුත් කළ සාමාන්‍ය පෙළ විභාගයේ ප්‍රතිඵල අනුව, සියලු ම විදුහල්පතිවරුන් වෙත අයදුම්පත් එවීම සඳහා දැනටමත් ලබාදී ඇති පශීලක නාමය (User Name) සහ මුරපදය (Password) භාවිත කර අදාළ පාසලේ විභාග ප්‍රතිඵල ලේඛනය බාගත කර මුද්‍රිත පිටපතක් ලබා ගැනීමට පහසුකම සලසා දී ඇත.
එමෙන්ම, සියලු ම පළාත්/ කලාප අධ්‍යාපන අධ්‍යක්ෂවරුන් වෙත ද තම පළාතේ/කලාපයේ සියලු පාසල් අයදුම්කරුවන්ගේ ප්‍රතිඵල බාගත කර ගැනීම සඳහා පරිශීලක නාමය සහ මුරපද ලබා දී ඇත.
ඒ සම්බන්ධයෙන් සම්පූර්ණ විස්තරය පහතින්,
Anura Kumara Dissanayake
Sajith Premadasa
