පවුල් ජීවිතය කඩාකප්පල් වෙලා, ලොකු විනාශයක් කාදිනල් හිමි කියයි

මෙරට පවුල් සංස්ථාව බිඳ වැටෙමින් පවතින බව අගරදගුරු මැල්කම් කාදිනල් රංජිත් හිමිපාණෝ සදහන් කර තිබේ.

කාදිනල්තුමා මේ බව සදහන් කළේ කළුතර ලූර්දු මාතා දේවස්ථානයේ 117 වන වාර්ෂික මංගල්‍යට එක්වෙමිනි.

අද වන විට පවුල් ජීවිතය කඩාකප්පල් වීමේ ක්‍රමවේදයක් දක්නට ලැබෙන බව එහිදී අදහස් දක්වමින් කාදිනල්තුමා ප්‍රකාශ කර තිබේ.

අම්මෙක්ට පුළුවන්ද දරුවෙක්ට මෙහෙම කරන්න, මවක් දරුවෙක්ට කළ අහස පොළොව නුහුලන අපරාධය

එය භයානක ලෙස මෙරට තුළත් පැතිරීගෙන යන බවත් සදහන් කර ඇත.

එමෙන්ම පවුල යනු සමාජයේ කුඩාම ඒකකය වන බවත් පෙන්වා දුන් කාදිනල්තුමා  පවුල ශක්තිමත් නම් සමාජයද ශක්තිමත් වන බවත්  සදහන් කරයි.

එහිදී වැඩිදුරටත් අදහස් දැක්වූ අගරදගුරු මැල්කම් කාදිනල් රංජිත් හිමියන් සදහන් කළේ මෙවන් අදහසක්

"අද කාලේ වෙලා තියෙන විශාලම විනාශය තමයි මේ පවුල් ජීවිතය කඩාකප්පල් වීමේ ක්‍රමවේදය. අද ශ්‍රී ලංකාව තුළත් මෙය ඉතාමත් භයානක අන්දමින් පැතිරීගෙන යන වසංගතයක් බවට පත්වෙලා තිබෙනවා. ඉතාමත්ම තේරුමක් නැති විදිහට හුදෙක් හැඟීම්වලට, රූපයට, පෙනුමට, සිනහවට පමණක් වහල්වෙලා විවාහ වෙලා ටික කලකින් එය අතහැර දමන අය බොහොමයක් අද ශ්‍රී ලංකාව තුළ ජනිත වෙමින් පවතිනවා. කිසිම අර්ථයක් නැතිව විවාහ ජීවිතය සෙල්ලමකට ගන්න තත්ත්වයක් අද ලංකාව තුළ පවතිනවා. විවාහ ජීවිතය කියන්නේ සමාජයේ පදනම. සාර්ථක විවාහ ජීවිතයක් ගත කළොත්, සාර්ථක පවුල් ජීවිතයක් ගත කළොත් පවුල තමයි සමාජයේ කුඩාම ඒකකය. කතෝලික සභාව කියන්නේ කුඩාම ඒකකය තමයි පවුල කියලා. ඉතිං පවුල ශක්තිමත් නම් සමාජය ශක්තිමත් වෙනවා, පවුල් ජීවිතය ශක්තිමත් නම්, පවුල් ජීවිතය භක්තිවන්ත නම් කතෝලික සභාව භක්තිවන්න ආයතනයක් වීමේ හැකියාව පවතිනවා."

වත්තලදී සොයාගත් දේ මෙන්න