රටම කැළඹිලා - ජනපති අත්අඩංගුවේ - වෙනිසියුලා විපක්ෂය නිහඩයි

ඇමෙරිකානු ජනාධිපති ඩොනල්ඩ් ට්‍රම්ප්ගේ නියෝගයෙන් අද (03) අලුයම එල්ල කළ මහා පරිමාණ හමුදා ප්‍රහාරයෙන් පසු වෙනිසියුලා ජනාධිපති නිකොලස් මදුරෝ සහ ඔහුගේ බිරිඳ සිලියා ෆ්ලොරස් අල්ලාගෙන රටින් පිටුවහල් කර ඇති බව ට්‍රම්ප් Truth Socialහි නිවේදනය කළද, වෙනිසියුලා විපක්ෂය මෙතෙක් නිල ප්‍රතිචාරයක් එළිදක්වා නැත.

විපක්ෂයේ ප්‍රධාන නායකයන් වන මරියා කොරිනා මචාඩෝ සහ එඩ්මුන්ඩෝ ගොන්සාලෙස් (ඇමෙරිකාව සහ යුරෝපය විසින් 2024 ජනාධිපතිවරණයේ නීත්‍යානුකූල ජයග්‍රාහකයා ලෙස පිළිගත් අය) ගේ කිසිදු නිල ප්‍රකාශයක් තවමත් වාර්තා වී නැත. මදුරෝ රෙජීමය විසින් දැඩි මර්දනයට ලක්කර ඇති විපක්ෂය, ඇමෙරිකානු සහාය ලබාගෙන සිටියද, තම රටට එල්ල වූ මෙම සෘජු හමුදා මැදිහත්වීම පිළිබඳව නිහඬතාවය පවත්වාගෙන සිටී.

වෙනිසියුලානු ජනාධිපති සහ බිරිඳ අමෙරිකානු හමුදා භාරයට

විපක්ෂයේ අනධිකෘත ප්‍රකාශකයෙකු මාධ්‍ය වෙත පැවසුවේ, "ඇමෙරිකානු ප්‍රහාරය සම්බන්ධයෙන් නිල වශයෙන් කිසිවක් පැවැසීමට අපට නොහැකි" බවයි. මෙයට හේතුව විය හැකි වන්නේ රට තුළ පවතින අනිශ්චිත තත්ත්වය, ආරක්ෂාව පිළිබඳ බිය සහ ජාත්‍යන්තර නීති උල්ලංඝනයක් ලෙස සැලකෙන මෙම මැදිහත්වීමට සහාය දැක්වීමේ දේශපාලන අවදානමයි.

මේ අතර, මදුරෝ රජයද මෙම සිදුවීම පිළිබඳව නිල ප්‍රකාශයක් සිදු කර නැත. උප ජනාධිපති ඩෙල්සි රොඩ්‍රිගස් පැවසුවේ මදුරෝගේ සහ බිරිඳගේ ස්ථානය නොදන්නා බවත්, "ජීවිතයේ සාක්ෂි" (proof of life) ඉල්ලා සිටින බවත්ය.

වෙනිසියුලාවේ වහාම ක්‍රියාත්මක වන පරිදි ජාතික හදිසි අවස්ථාවක් ප්‍රකාශයට පත් කරයි

කැරකස්හි ෆුවර්ටේ ටියුනා සහ ලා කාලෝටා වැනි හමුදා කඳවුරුවලට එල්ල වූ ප්‍රහාරයෙන් දැඩි හානි සිදුව ඇති බව වාර්තා වේ. ඇමෙරිකානු ඩෙල්ටා ෆෝර්ස් විශේෂ බලකාය මෙහෙයුමට සම්බන්ධ වූ බව CBS News වාර්තා කරයි.

මෙම සිදුවීම ලතින් ඇමෙරිකාවේ බල අරගලයේ නව පරිච්ඡේදයක් වන අතර, වෙනිසියුලාවේ අනාගතය සම්බන්ධයෙන් ගෝලීය අවධානය යොමුව තිබේ. ට්‍රම්ප් අද පෙ.ව. 11.00ට මාර්-අ-ලාගෝහිදී මාධ්‍ය හමුවක් පැවැත්වීමට නියමිතය.

මොහොතකින් වෙනිසියුලාවේ මුළු අගනුවරම දුමකින් වැසී යයි - පිපිරීම් කිහිපයක් සමඟ විදුලිය විසන්ධි වෙයි

ඉන්දීය ක්‍රිකට් මණ්ඩලයෙන් දැඩි තීරණය - බංග්ලාදේශ සුපිරි තරුව IPL වලින් ඉවතට