තවත් උණුසුම් සතියක් - ඇමරිකාව - ඉරානය සාකච්ඡා මැද යළි අවධානයකින්

එක්සත් ජනපද ජනාධිපති ඩොනල්ඩ් ට්‍රම්ප් ප්‍රකාශ කර ඇත්තේ එක්සත් ජනපදය එළඹෙන සතියේ ඉරානය සමඟ රාජතාන්ත්‍රික සාකච්ඡා ආරම්භ කිරීමට සැලසුම් කර ඇති බවයි. මෙම සාකච්ඡා මඟින් මෑතකාලීන ගැටුම් හේතුවෙන් උත්සන්න වී ඇති ආතතීන් සමනය කිරීමටත්, කලාපීය ස්ථාවරත්වය තහවුරු කිරීමටත් අපේක්ෂා කරන බව ඔහු සඳහන් කර ඇත. විදෙස් මාධ්‍ය වාර්තාවලට අනුව, ඉරානයේ න්‍යෂ්ටික පහසුකම්වලට ඊශ්‍රායලය විසින් එල්ල කළ ප්‍රහාර හේතුවෙන් මීට පෙර සැලසුම් කර තිබූ මූලික සාකච්ඡා අවලංගු කර ඇත.

හිටපු සෞඛ්‍ය ලේකම් චන්ද්‍රගුප්තත් අත්අඩංගුවට

මෙම ප්‍රහාර මඟින් ඉරානයේ න්‍යෂ්ටික වැඩසටහනට සැලකිය යුතු බලපෑමක් එල්ල වූ අතර, එය ඉරානය සහ ඊශ්‍රායලය අතර යුධමය ආතතීන් ඉහළ යාමට හේතු විය. මෙම තත්ත්වය යටතේ, එක්සත් ජනපදය මැදිහත්වීම තුළින් දෙපාර්ශ්වය අතර සංවාදයක් ඇති කිරීමට උත්සාහ කරන බව පැවසේ. ජනාධිපති ට්‍රම්ප් වැඩිදුරටත් ප්‍රකාශ කර ඇත්තේ, මෙම සාකක්ඡා මඟින් ඉරානයේ න්‍යෂ්ටික වැඩසටහන, කලාපීය ආරක්ෂාව, සහ එක්සත් ජනපදයේ ජාතික ආරක්ෂක අවශ්‍යතා සම්බන්ධයෙන් ගිවිසුමකට එළඹීමේ හැකියාවක් ඇති බවයි.

යුද හමුදා නව මාණ්ඩලික ප්‍රධානී පත් කරයි

එසේම, මෙම සාකච්ඡා සඳහා ජාත්‍යන්තර මැදිහත්කරුවන්ගේ සහය ලබා ගැනීමට ද ඉඩ ඇති බව වාර්තා වේ. මෙම සාකච්ඡාවල ප්‍රගතිය මත මැදපෙරදිග කලාපයේ ස්ථාවරත්වය රඳා පවතින බැවින්, එය ජාත්‍යන්තර ප්‍රජාවේ අවධානයට ලක්ව ඇත. ශ්‍රී ලංකාව ඇතුළු රටවල් කිහිපයක් මෙම තත්ත්වය පිළිබඳව සමීපව අධීක්ෂණය කරමින් සිටින අතර, එය ඔවුන්ගේ ආර්ථික හා ආරක්ෂක අවශ්‍යතාවලට බලපෑම් එල්ල කළ හැකි බව අමාත්‍ය විජිත හේරත් මහතා පසුගියදා ප්‍රකාශ කර තිබිණි.

ඔක්ස්ෆර්ඩ් ඉංග්‍රීසි ශබ්දකෝෂයට අලුතෙන් එකතුවෙන ලංකාවේ වචන