රුපියල තවදුරටත් අවප්‍රමාණය වෙයි -ප්‍රධාන බැංකුවල අලුත්ම විනිමය අනුපාත මෙන්න

බදාදා දිනයට සාපේක්ෂව අද (15) ශ්‍රී ලංකාවේ වාණිජ බැංකු කිහිපයක ඇමරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී තිබේ. ඒ අනුව, බැංකුවල ඩොලරයේ විකුණුම් අනුපාතය රුපියල් 335ත් 336ත් අතර මට්ටමක පවතී.

සෙලාන් බැංකුවේ විනිමය අනුපාතවල වෙනසක් වාර්තා වී නොමැති අතර, ඇමරිකානු ඩොලරයක ගැනුම් අනුපාතය රුපියල් 326.75ක් ලෙසත්, විකුණුම් අනුපාතය රුපියල් 336.00ක් ලෙසත් පවතී. NDB බැංකුවේ ඩොලරයක ගැනුම් අනුපාතය පෙර පැවති රුපියල් 326.50 සිට රුපියල් 326.65 දක්වා ඉහළ ගොස් තිබේ.

එහි විකුණුම් අනුපාතය ද රුපියල් 335.50 සිට රුපියල් 335.65 දක්වා ඉහළ ගොස් ඇත. මහජන බැංකුවේ (People’s Bank) ඇමරිකානු ඩොලරයක ගැනුම් අනුපාතය රුපියල් 326.92 සිට රුපියල් 327.07 දක්වා ඉහළ ගොස් ඇති අතර, විකුණුම් අනුපාතය රුපියල් 335.03 සිට රුපියල් 335.18 දක්වා ඉහළ ගොස් තිබේ.

කොමර්ෂල් බැංකුවේ ද ඩොලරයක ගැනුම් අනුපාතය රුපියල් 324.84 සිට රුපියල් 325.09 දක්වා ඉහළ ගොස් ඇත. එහි විකුණුම් අනුපාතය රුපියල් 334.75 සිට රුපියල් 335.00 දක්වා ඉහළ ගොස් තිබේ.

මේ අතර, සම්පත් බැංකුවේ ඇමරිකානු ඩොලරයක ගැනුම් අනුපාතය රුපියල් 327.00 සිට රුපියල් 327.25 දක්වා ඉහළ ගොස් ඇති අතර, විකුණුම් අනුපාතය රුපියල් 335.00 සිට රුපියල් 335.25 දක්වා ඉහළ ගොස් ඇත. 

අද ලංකාවම පුදුම කරපු රන් මිල - රන් වෙළඳපොළ උඩුයටිකුරු කරමින් මිල ගණන් වෙනස් වෙයි

ඩොලර‍ය ඉදිරියේ රුපියල අවප්‍රමාණය වෙයි - අද බැංකුවල ඩොලර් මිල ගණන් මෙන්න