තමිල්නාඩුවේ නොසන්සුන්තාව දිගටම - මියගිය අයගේ සිරුරු ඥාතීන්ට භාර දෙයි

තමිල්නාඩුවේ කරූර් දිස්ත්‍රික්කයේදී විජේගේ (තමිල්නාඩු වෙට්‍රි කලගම් - TVK) මැතිවරණ ප්‍රචාරක රැලියකදී ඊයේ(27) ඇති වූ තෙරපීම්කාරී තත්ත්වයකින් මිය ගිය පිරිස 39 දෙනෙකු දක්වා ඉහළ ගොස් ඇති බව ඉන්දියානු මාධ්‍ය වාර්තා කර තිබේ.

මෙම මියගියන් අතර පිරිමි ළමුන් 5 දෙනෙකු, ගැහැණු ළමුන් 5 දෙනෙකු, කාන්තාවන් 17 දෙනෙකු සහ පිරිමින් 12 දෙනෙකු ඇතුළත් වන අතර, ඔවුන්ගෙන් 35 දෙනෙකුගේ සිරුරු ඔවුන්ගේ ඥාතීන්ට භාර දී ඇති බව ද වාර්තා වේ.

මෙම රැලිය "වෙලිචම් වෙලියෙරු" (ආලෝකය බැස යන්නේ නැත) යන නමින් වෙලුසාමිපුරම්හිදී පැවැත්විණි. මෙහිදී දහස් ගණනක ජනතාවක්, මව්වරුන්, දරුවන් සහ වැඩිහිටියන් ඇතුළුව රැස් වූ අතර, පක්ෂ නායක විජේව දකින්න උනන්දුවෙන් රැස්ව සිටි පිරිස අතර විශාල තෙරපීමක් ඇති වූ බව වාර්තා වේ.

තුවාල ලබා රෝහල්වල ප්‍රතිකාර ලබන පුද්ගලයින් 50කට වැඩි පිරිසක් ඇති අතර, ඔවුන්ගෙන් සමහරෙකුගේ තත්ත්වය බරපතල බව සෞඛ්‍ය අමාත්‍ය මා. සුබ්‍රමණියම් ප්‍රකාශ කර ඇත.

කෙසේ වෙතත් ඇති වූ මෙම සිද්ධිය සම්බන්ධයෙන් ස්වදේශ කටයුතු අමාත්‍යාංශය තමිල්නාඩු රජයෙන් වාර්තාවක් ඉල්ලා තිබේ.

මේ අතර තමිල්නාඩු භාර නියෝජ්‍ය පොලිස්පතිවරයා පවසා ඇත්තේ විජේගේ පක්ෂය විසින් පළමුව කරුර් ප්‍රදීපාගාර රවුන්ඩ්ටානා හී රැලිය පැවැත්වීමට අවසර ඉල්ලා සිටි බවය.

කෙසේ වෙතත් පසුගිය රැලි දෙකේදි විශාල ජනකායකත් පැමිණි බව සැලකිල්ලට ගනිමින් එම ප්‍රදේශයේ රැලිය පැවැත්වීමට අවසර ලබා නොදුන් බවද ඔහු පවසා තිබේ.

රැලිය පෙරවරු 10.00 සිට පස්වරු 3 දක්වා පැවැත්වීමට අවසර ඉල්ලා තිබූ බවත් දහවල් 12.30 වන විට විජේ පැමිණෙන බවත් නිවේදනය කර ඇති අතර පෙරවරු 11.00 සිට සෙනග එක්රැස්වීමට පටන් ගෙන තිබුණු නමුත් ඔහු එම ස්ථානයට පැමිණ ඇත්තේ සවස 7.40ට ආසන්න වී බවද නියෝජ්‍ය පොලිස්පතිවරයා ඉන්දීය මාධ්‍ය වෙත පවසා ඇත.

එමෙන්ම මේ වන විට විජේගේ රැලිය සංවිධානය කිරීම සඳහා වගකිව යුතු පක්ෂ සාමාජිකයෙකු වූ කරුර් හී දිස්ත්‍රික් ලේකම්වරයෙකුට පොලීසිය විසින් නඩු පැවරීමටද කටයටුතු කර තිබේ.

මේ අතර සිදුවීම සම්බන්ධයෙන් අදහස් දක්වමින් තමිල්නාඩු මහ ඇමති එම්.කේ ස්ටාලින් සිය X ගිණුමේ සටහනක් තබමින් සඳහන් කර ඇත්තේ අදාළ සිදුවීම සම්බන්ධයෙන් තමන් කම්පනයට පත්වන බවය.

இரவு முழுவதும் உயிரிழந்தவர்களின் குடும்பத்தினர் சிந்திய கண்ணீரும், அவர்களது துக்கம் நிறைந்த அழுகுரல் ஏற்படுத்திய வலியும் என் நெஞ்சத்திலிருந்து அகலவில்லை… #KarurTragedy pic.twitter.com/Z9K2TZs7NW

— M.K.Stalin - தமிழ்நாட்டை தலைகுனிய விடமாட்டேன் (@mkstalin) September 28, 2025

එමෙන්ම සිදුවීම සම්බන්ධයෙන් කරුණු සොයා බැලීම සඳහා විශ්‍රාමික මහාධිකරණ විසිනුරුවරයෙකුගේ ප්‍රධානත්වයෙන් යුත් කමිටුවක් පත් කිරීමට පියවර ගන්නා බවද ඔහු පවසා තිබේ. තවද සිදුවීමෙන් ජීවිත අහිමි වූවන්ගේ පවුල් වෙත මහ ඇමතිවරයාගේ සහන අරමුදලින් ඉන්දීය රුපියල් ලක්ෂ 10ක වන්දි ගෙවීමක් සහ රෝහල්වල දැඩි සත්කාර ඒකකයේ ප්‍රතිකාර ලබන පුද්ගලයින් සඳහා රුපියල් ලක්ෂයක වන්දි ගෙවීමටත් තීරණය කර ඇති බවත් ඔහු පවසා තිබේ.

මේ අතර සිද්ධිය සම්බන්ධව ඉන්දීය අග්‍රාමාත්‍ය නරේන්ද්‍ර මෝදි ද අදහස් දක්වා ඇති අතර ඉන්දීය අග්‍රාමාත්‍යවරයා සඳහන් කර ඇත්තේ සිදුව ඇති සිදුවීම සම්බන්ධව තමන් අතිශයින්ම කනගාටු වන බවත්ය.

The unfortunate incident during a political rally in Karur, Tamil Nadu, is deeply saddening. My thoughts are with the families who have lost their loved ones. Wishing strength to them in this difficult time. Praying for a swift recovery to all those injured.

— Narendra Modi (@narendramodi) September 27, 2025

කෙසේ වෙතත් මෙම අවාසනාවන්ත සිදුවීමෙන් පසු විජේ ට්‍රිච් ගුවන්තොටුපොල වෙත පැමිණ චෙන්නායි බලා ගුවන් යානයකින් පිටත්ව ගොස් ඇති බවත් ඉන්දීය මාධය වාර්තා කර තිබේ. එහිදී ඔහු මාධ්‍ය මග හරිමින් සහ අදහස් දැක්වීම ප්‍රතික්ෂේප කර ඇති අතර ගුවන්තොටුපළේදී ඔහු සිය මුහුණ සඟවා ගමන් ගෙන ඇති බවත් ඉන්දීය මාධ්‍ය මේ වන විට වාර්තා කර ඇත. කෙසේ වෙතත් චෙන්නායි හී ගොඩබැස්වීමෙන් අනතුරුව සිද්ධිය සම්බන්ධව අදහස් දක්වමින් ඔහු පවසා ඇත්තේ තමාගේ හදවත බිඳී ඇති බවය.

இதயம் நொறுங்கிப் போய் இருக்கிறேன்; தாங்க முடியாத, வார்த்தைகளால் சொல்ல முடியாத வேதனையிலும் துயரத்திலும் உழன்று கொண்டிருக்கிறேன்.

கரூரில் உயிரிழந்த எனதருமை சகோதர சகோதரிகளின் குடும்பங்களுக்கு என் ஆழ்ந்த அனுதாபங்களையும், இரங்கலையும் தெரிவித்துக்கொள்கிறேன். மருத்துவமனையில் சிகிச்சை…

— TVK Vijay (@TVKVijayHQ) September 27, 2025

පාස්කු ප්‍රහාරයේ අවශ්‍ය කරුණු කීපයක් ආරක්ෂක අංශ ප්‍රධානියෙක් සගවලා

GovPay සඳහා රාජ්‍ය ආයතන 150 ක් එකතුවේ