යුද්ධ හමුදාධිපති එකවරම තීරණයක් ගනී.. වහාම සියලුම ආරක්‍ෂක සේනා ආඥාපතිවරුන් වෙත දැනුම් දෙයි..
krishani
යුද්ධ හමුදාධිපති ලුතිනන් ජෙනරල් විකුම් ලියනගේ මහතා විසින් 1 බලකායේ බලකාධිපති හා සියලුම ආරක්‍ෂක සේනා ආඥාපතිවරුන් වෙත දැනුම් දීමක් කර තිබෙනවා.
ඒ පවතින අයහපත් කාළගුණික තත්ත්වය හේතුවෙන් ඇතිවිය හැකි හදිසි ආපදා තත්ත්වයකදී පීඩාවට පත්වන ජනතාවට සහන සැලසීමටයි.
ඒ අනුව ආපදා කළමණාකරන කටයුතුවලදී අදාළ වගකිව යුතු ආයතන වෙත පූර්ණ සහයෝගය ලබාදීමට ඕනෑම අවස්ථාවකදී සහභාගී වීම සඳහා භට පිරිස් සූදානම් කරන ලෙසද හමුදාපතිවරයා උපදෙස් දී ඇති බව වාර්තා වේ.
පසුගිය දිනවල ඇති වූ අයහපත් කාලගුණය හේතුවෙන් දියවන්නා ඔයේ ජල මට්ටම ඉහළ යාමෙන් පාර්ලිමේන්තු සංකීර්ණය ආසන්නයේ වැලිකොට්ට අතුරා ගං වතුර අවධානමෙන් මුදවාගැනීමට ශ්‍රී ලංකා යුද්ධ හමුදාවේ භටපිරිස් කටයුතු කර ඇති බවද සඳහන් වේ.
එසේම, ජල මට්ටම ඉහළ යාම නිසා කැඩී යාමේ අවධානමකට ලක්වූ පන්නල ජයවඩන වැවේ වැව් බැම්ම වැලි කොට්ට යොදා ආරක්‍ෂා කිරීම සඳහා ශ්‍රී ලංකා යුද්ධ හමුදාවේ භටපිරිස් යොමුකර ඇති බව වාර්තා වේ.
තවද, කැළණි ගඟේ ජල මට්ටම ඉහළ යාමත් සමඟ කඩුවෙල ප්‍රදේශයෙන් පිටාර ගැලීමේ අවධානමට ලක්වූ බෝමිරිය ඇළ බැම්මට සහ කැළණිමුල්ල කොහිලවත්ත ප්‍රදේශයේ තවත් ඇළ මාර්ගයකට වැලි කොට්ට අතුරා ගංවතුර අවධානම අවම කිරීමට ශ්‍රී ලංකා යුද්ධ හමුදා හමුදවේ භටපිරිස් කටයුතු කර ඇති බව ද වැඩිදුරටත් සඳහන් වේ.
You may like this -
