ඉරානයේ අවසානය ආවා- රේසා පහ්ලවි ට්‍රම්ප්ට ස්තූති කරයි

ඉරානයට එල්ල වූ එක්සත් ජනපදය හා ඊශ්‍රායල් ඒකාබද්ධ ප්‍රහාරයෙන් උත්තරීතර නායක අයතුල්ලා අලි කමේනි මරණයට පත්වීමෙන් අනතුරුව, අමෙරිකානු ජනාධිපති ඩොනල්ඩ් ට්‍රම්ප්ගේ ක්‍රියාමාර්ග අගයමින් ඉරානයේ අවසන් රජුගේ පුත් රේසා පහ්ලවි විශේෂ ප්‍රකාශයක් නිකුත් කර ඇත.

The Washington Post පුවත්පතට සපයා ඇති ඔහුගේ ලිපියක් තුළ සඳහන් වන්නේ, වසර ගණනාවක් පුරා ඉරාන ජනතාව නිදහස වෙනුවෙන් “නිදහස් ලෝකයෙන්” ඉල්ලා සිටි බවත්, ජනාධිපති ට්‍රම්ප් එම ඇරයුමට ප්‍රතිචාර දක්වා ඇති බවත්ය.

ඉරානයේ උත්තරීතර නායක අයතුල්ලා අලි කමේනි ජිවිතක්ෂයට - ඉරාන රජය තහවුරු කරයි

ට්‍රම්ප්ගේ “නෛතික පැහැදිලි බව සහ තීරණාත්මක ක්‍රියාමාර්ග” ඔහු අගය කර ඇති අතර, දිගුකාලීන අධිකාරී පීඩනයෙන් මිදීමේ ඉතිහාසගත අවස්ථාවක් දැන් ඉරාන ජනතාවට උදා වී ඇති බවද සඳහන් කර ඇත.

එමෙන්ම, කමේනිගේ මරණයෙන් පසු දේශපාලන රික්තයක් ඇති වීම වැළැක්වීම සඳහා පැහැදිලි සංක්‍රාන්ති සැලැස්මක් සකස් කර ඇති බව පවසමින්, නව ආණ්ඩුක්‍රම ව්‍යවස්ථාවක් සකස් කිරීම, ජාත්‍යන්තර නිරීක්ෂණ යටතේ නිදහස් මැතිවරණ පැවැත්වීම සහ නිදහස්, ලිබරල් හා සමෘද්ධිමත් රාජ්‍යයක් ගොඩනැගීම එම සැලසුමේ ප්‍රධාන අරමුණු බව ඔහු අවධාරණය කර ඇත.

කටාරයේ දෝහා අගනුවරට හා ඩුබායි රාජ්‍යයට ප්‍රහාර - එකවර පිපිරීම් කිහිපයක්

තවද, ආරක්ෂක හමුදාවන්ට ජනතාව සමඟ එකතු වී ස්ථාවර සංක්‍රමණයකට සහය දැක්වීමට ආරාධනා කර ඇති රේසා පහ්ලවි, බොහෝ ඉරානවරුන්ගේ ඉල්ලීම අනුව එම සංක්‍රමණයේ නායකත්වය භාර ගැනීමට සූදානම් බවද ප්‍රකාශ කර ඇත. 

පළි ගැනීම් ආරම්භයි - ඇමරිකාවට හා ඊශ්‍රායලයට මාරාන්තික ප්‍රහාරයක් සූදානම් - ඉරාන ඉතිහාසයේ විනාශකාරී ප්‍රහාරය

“විෂ මත්ද්‍රව්‍ය නිවාරණ සතිය” අදින් ඇරඹෙයි