විදේශ ගතවන්නන්ට රජයෙන් විශේෂ නිවේදනයක් !!

නව සේවා ගිවිසුමක් යටතේ ගෘහස්ථ නොවන රැකියා සඳහා ස්වයං මාර්ගයෙන් විදේශ ගතවීමේදී, ශ්‍රී ලංකා විදේශ සේවා නියුක්ති කාර්යාංශයේ (SLBFE) ලියාපදිංචියට පෙර රැකියා ගිවිසුම අදාල රටේ ශ්‍රී ලංකා දූත මණ්ඩලය හරහා සහතික කිරීම අනිවාර්ය කරමින් පසුගිය දිනවල පනවූ නීතියක්, නව සංශෝධනයක් සහිතව වෙනස් කිරීමට SLBFE පියවර ගෙන තිබේ.

ඩොනල්ඩ් ට්‍රම්ප්ට නොබෙල් සාම ත්‍යාගය

මෙම නව නීතිය 2025 ජූනි 7 දින සිට ක්‍රියාත්මක වීමට නියමිතව තිබූ අතර, එය දැක්වෙන්නේ 2025 ජූලි 1 දින සිට ක්‍රියාත්මක වීමටයි. මුල්ව නිශ්චිතව සියලුම රටවලට අදාළව මෙම සහතික කිරීම අනිවාර්යව ක්‍රියාත්මක කිරීමට නියමිතව තිබුණද, 2025 ජූනි 12 දින SLBFE අධ්‍යක්ෂ මණ්ඩලය රැස්වීමේදී ගත් තීරණයකට අනුව, මෙය සීමා කර තිබෙන්නේ ශ්‍රි ලාංකිකයන් වැඩි ලෙස රැකියාවන් සඳහා පිටත් වන තෝරාගත් රටවල් කිහිපයකට පමණි.

විදුලි ඒකකයක් රු,14කින් අඩුවේ. නවතම ගාස්තු මෙන්න

මෙම රටවල් වේ:

සෞදි අරාබිය, කුවේට්, බහරේන්, කටාර්, එක්සත් අරාබි එමීර් රාජ්‍යය (UAE), ඕමාන්, ඊශ්‍රායලය, ජෝර්දානය, ලෙබනනය, මාලදිවයින, මැලේසියාව, සිංගප්පූරුව සහ දකුණු කොරියාව. කෙසේ වෙතත්, වෘත්තීය කාණ්ඩයට අයත් රැකියා සඳහා ස්වයං මාර්ගයෙන් විදේශ ගතවන පුද්ගලයින් හට – නව සේවා ගිවිසුමක් සහිතව – ඔවුන්ගේ විදේශ ගමන් බලපත්‍රයේ වෘත්තිය තත්වය හෝ ඒ සඳහා අදාළ සනාථ ලියවිලි ඉදිරිපත් කළ හැකි නම්, එම රැකියා ගිවිසුම ශ්‍රී ලංකා දූත මණ්ඩලය මගින් සහතික කරගැනීම අවශ්‍ය නොවේ.

ජනාධිපති අරමුදලෙන් කෝටි දෙකක්?

මෙම නවීකරණය සිදු කරනු ලැබෙන්නේ පසුගිය කාලයේදී මිනිස් ජාවාරම් සහ විදේශ රැකියාවලදී ශ්‍රී ලාංකිකයන්ට සිදුවූ අපහසුතා මත ය. ඒ සඳහා විසඳුමක් සපයමින්, ශ්‍රී ලාංකික ශ්‍රමිකයින්ට සුරක්ෂිතව විදේශ රැකියාවන් ලබාදීමට කාර්යාංශය කටයුතු කරයි.