2011 ලෝක කුසලාන ඉන්දියානු කණ්ඩායමේ ශ්‍රීසාන්ත් කියපු සංවේදී කතාව

ඉන්දියාව වෙනුවෙන් ලෝක කුසලාන දෙකක් දිනාගත් දුර්ලභ ක්‍රිකට් ක්‍රීඩකයන් අතරින් එක් අයෙකු වන ශ්‍රීසාන්ත්, 2007 T20 ලෝක කුසලානය සහ 2011 ODI ලෝක කුසලාන ජයග්‍රාහී කණ්ඩායම්වල සාමාජිකයෙකි.

කෙසේ වෙතත්, ඔහුගේ ක්‍රීඩා ජීවිතය 2013 IPL තරගාවලියේදී එල්ල වූ spot-fixing චෝදනාවක් හේතුවෙන් දැඩි අර්බුදයකට මුහුණ දීමට සිදුවිය.

එම සිද්ධිය සම්බන්ධයෙන් 2013දී ඔහු ටිහාර් බන්ධනාගාරයේ දින 27ක් රඳවා තබාගෙන සිටි අතර, පසුව ඔහු නිදහස් කරන ලදී.

“ඒ කාලයේ මට ජීවත් වෙන්න හේතුව ඇයයි” මෑතකාලීන සම්මුඛ සාකච්ඡාවකදී ශ්‍රීසන්ත හෙළි කර ඇත්තේ, එම අතිශය දුෂ්කර කාලය තුළ තම ජීවිතය රැකගැනීමට ප්‍රධාන ශක්තිය වූයේ තම බිරිඳ බුනේශ්වරි (Bhuvneshwari) බවයි.

“මම එහි සිටියදී මට සියදිවි නසාගැනීමට නොගිය ප්‍රධාන හේතුව ඇයයි,” යනුවෙන් ඔහු සඳහන් කර තිබේ.

ඔහු වැඩිදුරටත් පවසා ඇත්තේ, චෝදනා සහ නීතිමය සටන් අතරතුර තම බිරිඳ සහ ඇගේ පවුල ඔහුට අතිශය ශක්තියක් වූ බවයි.

ශ්‍රීසන්ත 2013 සිද්ධියට පෙර ඉන්දියාව වෙනුවෙන් ටෙස්ට් 27ක්, එක්දින 53ක් සහ T20 තරග 10ක් ක්‍රීඩා කර ඇත.

ඔහු 2011 ලෝක කුසලාන ජයග්‍රාහී කණ්ඩායමේද ප්‍රධාන සාමාජිකයෙකි.

ඔහු පවසන්නේ, එම අර්බුදකාරී කාලයේදී තමන්ට ලැබුණු මානසික හා නීතිමය සහයෝගය බොහෝමයක් තම බිරිඳගෙන් සහ ඇගේ පවුලෙන් ලැබුණු බවයි.

ශ්‍රීසන්ත සහ බුනේශ්වරි 2007 වසරේ ඉන්දියාව–පාකිස්තානය තරගයක් අතරතුර හමු වූ අතර, පසුව වසර කිහිපයක් සම්බන්ධතාවය පවත්වාගෙන ගොස් 2013දී විවාහ වූ බව වාර්තා වේ.