පොලිසිය සැබෑ අපරාධ වෙනුවට අපහාස පැමිණිලි පිටුපස යයි - ආණ්ඩුවට රිදන්නම සාගරගෙන් ප්‍රකාශයක්

ශ්‍රී ලංකා පොදුජන පෙරමුණේ (SLPP) මහලේකම් නීතිඥ සාගර කාරියවසම් මහතා, ශ්‍රී ලංකා පොලිසිය සිය සැබෑ කාර්යභාරය අමතක කරමින් හිටපු අමාත්‍යවරුන්ගේ ප්‍රකාශ සම්බන්ධයෙන් පරීක්ෂණ ආරම්භ කිරීමට යොමු වී ඇති බවට චෝදනා කර තිබේ. බත්තරමුල්ල, නෙළුම් මාවතේ පිහිටි පක්ෂ මූලස්ථානයේ ඊයේ (13) පැවැති මාධ්‍ය හමුවකදී ඔහු මේ බව ප්‍රකාශ කළේය.

බත්තරමුල්ල, නෙළුම් මාවතේ පිහිටි පක්ෂ මූලස්ථානයේ ඊයේ (13) පැවැති මාධ්‍ය හමුවකදී මහලේකම්වරයා විසින් විශේෂයෙන් අවධාරණය කළේ, දැවැන්ත කන්ටේනර් වංචාවක් සම්බන්ධයෙන් පොලිසියට සහ අල්ලස් හෝ දූෂණ විමර්ශන කොමිෂන් සභාවට දිගින් දිගටම පැමිණිලි ලැබී ඇතත්, මේ වන තෙක් එකදු පුද්ගලයකුගෙන්වත් කටඋත්තරයක් ලබාගෙන නොමැති බවයි. "එසේ තිබියදීත්, එම වංචාව ගැන මුනිවත රකින පොලිසිය, හිටපු අමාත්‍ය විමල් වීරවංශ මහතාගෙන් ප්‍රකාශයක් සටහන් කර ගැනීමට උත්සුක වෙලා තිබෙනවා. පොලිසියට අපරාධ යනු කුමක්ද සහ තම වගකීම කුමක්ද යන්න අමතක වී ඇති බව පෙනේ," යනුවෙන් ඔහු සඳහන් කළේය.

ටිරාන් අලස්ට එරෙහිව අල්ලස් පැමිණිල්ලක්

කාරියවසම් මහතා තවදුරටත් පැවසුවේ, වත්මන් පොලිස්පතිවරයා තවත් 'පූජිත් ජයසුන්දර' කෙනෙකු වීමට උත්සාහ නොකළ යුතු බවත්, තවත් පොලිස්පතිවරයකු සිරගෙදරක දුක් විඳිනවා දැකීමට තමන් අකමැති බවත්ය. මීට අමතරව, මීට පෙර පැවති ආණ්ඩුවේ කැබිනට් සංශෝධන ගැන චෝදනා කළ ජනතා විමුක්ති පෙරමුණේ (JVP) සහ මාලිමාවේ නායකයින්ට දැන් තමන්ටම කැබිනට් සංශෝධන කිරීමට සිදුවී ඇති බව ඔහු උපහාසාත්මකව සඳහන් කළේය.

මේ වන විට රට තුළ මත්ද්‍රව්‍ය ව්‍යසනය ඉතිහාසයේ කිසිදා නොවූ විරූ ලෙස භයානක උවදුරක් බවට පත්ව ඇති බව පෙන්වා දුන් කාරියවසම් මහතා, එය නතර කිරීමට මාලිමා ආණ්ඩුව අසමත් වී ඇති බවට චෝදනා කළේය. "මත්ද්‍රව්‍ය උවදුර රාජපක්ෂවරුන් පිට පැටවීමට උත්සාහ කළත්, මත්ද්‍රව්‍ය හමුවූ නිවසේ හිමිකරු සහ බෝට්ටුවේ හිමිකරු කවුරුන්ද යන්න හෙළිවීමත් සමග මෙම ජාවාරම පිටුපස සිටින්නේ කවුරුන්දැයි ජනතාවට පැහැදිලිව පසක් වී තිබෙනවා," යනුවෙන් ඔහු පැවසීය.

කොයි වෙලේ හරි පොලිසියෙන් හොයන් එයි කියලා ඉෂාරා ගහපු මාස්ටර් ප්ලෑන් එක - ඩමියක් හදලා වීසත් අරන්

එසේම, බිමල් රත්නායක මහතාගේ වරාය භාර කැබිනට් අමාත්‍ය ධූරය අහිමි වීම, කන්ටේනර් නිදහස් කිරීම සහ රටේ මත්ද්‍රව්‍ය භාවිතය අතර යම් සහසම්බන්ධයක් තිබේද යන්න ගැඹුරින් විශ්ලේෂණය කළ යුතු බව ඔහු අවධාරණය කළේය. "රතු ලේබල් ගැසූ කන්ටේනර් 323ක් නිදහස් කිරීම මෙතෙක් මෙරට ඉතිහාසයේ සිදුවූ දැවැන්තම වංචනික ක්‍රියාවයි. එම වංචාවේ තරම මෙතෙක් කිසිවකු නොදන්නවා," යනුවෙන් ඔහු කීය.

මෙම කන්ටේනර් තුළ මත්ද්‍රව්‍ය සහ අවි ආයුධ තිබූ බවට අර්ජුන නම් මන්ත්‍රීවරයකු පාර්ලිමේන්තුවේදී මුලින්ම ප්‍රකාශ කළ බවත්, ඒ සම්බන්ධයෙන් රහස් පොලිසියට පළමු පැමිණිල්ල සිදුකළ ඩෑන් ප්‍රියසාද් මහතා දින කිහිපයකට පසු ඝාතනයට ලක් වූ බවත් නීතිඥ කාරියවසම් මහතා වැඩිදුරටත් සඳහන් කළේය.

මෙම මාධ්‍ය හමුව තුළින් SLPP මහලේකම්වරයා විසින් ආණ්ඩුවේ පොලිස් ක්‍රියාකාරකම් සහ දූෂණ විමර්ශන පිළිබඳ බරපතළ චෝදනා රැසක් එල්ල කර තිබේ. තවදුරටත් මෙම චෝදනා සම්බන්ධයෙන් ආණ්ඩුවේ ප්‍රතිචාරයක් ලැබී නොමැත.

කජ්ජාගේ පුතා පොලිස් භාරයට

පෞද්ගලික අංශයේ සේවකයින්ට මෙන්න දැන් ලැබුණු සුබවාදී පණිවිඩය