රනිල්-දිනේෂ්-සජිත්-අනුර වත්කම් ප්‍රසිද්ධ කරයි. ? - මෙතෙක් සේප්පුවක තැන්පත් කරපු වත්කම් වලට කළ දේ.
Wayomi
මේ වන විට ජනාධිපති රනිල් වික්‍රමසිංහ, අගමැති දිනේෂ් ගුණවර්ධන, විපක්ෂ නායක සජිත් ප්‍රේමදාස, ජාතික ජන බලවේගයේ නායක අනුර දිසානායක ඇතුළු මැති ඇමැතිවරුන් පිරිසක් වත්කම් බැරකම් ප්‍රකාශ ලබාදී ඇති බව අල්ලස් හෝ දූෂණ චෝදනා විමර්ශන කොමිසම ප්‍රසිද්ධ කර තිබෙනවා.
වත්කම් බැරකම් ප්‍රකාශ කිරීමේ නව පනත අනුව මෙලෙස සියලු මහජන නියෝජිතයන්, මාණ්ඩලික නිලධාරීන් ඇතුළු සැවොම වත්කම් බැරකම් ප්‍රකාශ ඉදිරිපත් කළ යුතු අතර ඒවා අල්ලස් කොමිසමේ වෙබ් අඩවියේ ප්‍රදර්ශනය කිරීම ද පනතේ එක නියමයකි.
මෙම පනත රනිල් වික්‍රමසිංහ විසින් ඉදිරිපත් කළ අතර ඒ අනුව සෑම වසරකම මහජන නියෝජිතයන් මෙන්ම සියලු නිලධාරීන් වත්කම් බැරකම් ප්‍රකාශ කළ යුත වෙනවා.
මින් පෙර දේශපාලනඥයන්ගේ වත්කම් බැරකම් ප්‍රකාශ ඔවුන් නියෝජනය කරන පාර්ලිමේන්තුව, පළාත් සභාව හෝ පළාත් පාලන ආයතනයේ සේප්පුවක තැන්පත් කරන නමුත් නව පනත අනුව ඒ සියලු වත්කම් බැරකම් ප්‍රකාශ අල්ලස් කොමිසම වෙත යැවිය යුතුයි.
