නව පනත් කෙටුම්පතක් සම්බන්ධයෙන් පෙබරවාරි 28 වෙනකල් මහජනතාවට කල් දෙයි

නව ත්‍රස්ත විරෝධි පනත් කෙටුම්පත සම්බන්ධයෙන් අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර මහතා සහ යුරෝපා සංගමයේ නියෝජිතයින් අතර සාකච්ඡාවක් අධිකරණ සහ ජාතික ඒකාබද්ධතා අමාත්‍යාංශයේදී පවත්වා ඇත.

ඒ අනුව මෙම පනත් කෙටුම්පත සඳහා මහජන අදහස් හා යෝජනා අධිකරණ සහ ජාතික ඒකාබද්ධතා අමාත්‍යාංශයේ ලේකම් වෙත පෙබරවාරි මස 28 වන දින තෙක් යොමු කළ හැක.

එමෙන්ම එසේ යොමු කරනු ලබන අදහස් හා යෝජනා පිළිබඳව සාධනීය වශයෙන් සළකා බැලීමෙන් පසුව නව ත්‍රස්ත විරෝධි පනත් කෙටුම්පත සම්බන්ධයෙන් ඉදිරි කටයුතු සිදු කරන බවද යුරෝපා සංගමයේ නියෝජිතයින් සමග පැවති සාකච්ඡාවේදී අමාත්‍යවරයා සඳහන් කර ඇත.

බදු නිසා මේ පනත සංශෝධනය කරයි

ඊයේ (10) දින පැවති මෙම සාකච්ඡාවට යුරෝපා බාහිර ක්‍රියාකාරී සේවයේ (EEAS) ආසියා හා පැසිෆික් කලාපය සඳහා වැඩබලන කළමනාකාර අධ්‍යක්ෂිකා පාවෝලා පම්පලෝනි Ms. Paola Pampaloni,ශ්‍රී ලංකාවේ යුරෝපා සංගමයේ තානාපති කාමෙන් මොරේනෝ, යුරෝපා කොමිසමේ සංවර්ධන සහයෝගීතාව පිළිබඳ ක්‍රියාකාරී කණ්ඩායමේ INTPA අධ්‍යක්ෂ ජනරාල් හා මැදපෙරදිග/ගල්ෆ්, මධ්‍යම ආසියාව, දකුණු ආසියාව යන අංශවල වැඩබලන ප්‍රධානී ජෑන් හොස්කින්ස් ,කොළඹ යුරෝපා සංගම් නියෝජිත කණ්ඩායමේ දේශපාලන අංශ ප්‍රධානී/ නියෝජ්‍ය නියෝජිත ප්‍රධානී ගලිජා අගිසේවා, යුරෝපීය බාහිර ක්‍රියාකාරී සේවයේ ASIAPAC.6 අංශයේ ශ්‍රී ලංකාව සඳහා නිලධාරී ඈන් වැන්හවුට්, යුරෝපා සංගම් නියෝජිත කණ්ඩායමේ කොළඹ සහයෝගිතා ප්‍රධානී ජොහාන් හෙසේ මහතා , යුරෝපීය කොමිසමේ INTPA අධ්‍යක්ෂ ජනරාල් කාර්යාල නිලධාරී පීටර්ස් තියඩෝර් සහ අධිකරණ සහ ජාතික ඒකාබද්ධතා අමාත්‍යාංශයේ උසස් නිලධාරීන් එක් වී ඇති බව වාර්තා වේ.

පාර්ලිමේන්තු ඉතිහාසයේ පළමුවරට ලීක්වුනු මැතිසබේ හුටපටය - තානාපතිලාත් සීරැවෙන්

නරක ආරංචියක් ආයේ වාහන ගෙන්වීම පහළට - ගෙන්නපුවා මාස තුනක් ඇතුළත අලෙවි නොකළොත් ලොකු දඩයක්