චම්පික පොහොට්ටුවට ද? සජබ්යටද? - 14 වෙන්න යන දේ ගැන ලැබුණු ආරංචිය මෙන්න.
Wayomi
එක්සත් ජනරජ පෙරමුණේ නායක පාර්ලිමේන්තු මන්ත්‍රි පාඨලී චම්පික රණවක ඉදිරි ජනාධිපතිවරණයේදී සමගි ජන බලවේගයේ ජනාධිපති ධුර අපේක්ෂක විපක්ෂ නායක සජිත් ප්‍රේමදාසට සහාය පළකිරීමට එකඟතාව පළකර ඇති බව වාර්තා වෙනවා.
ඒ සඳහා වන ගිවිසුම හෙට (14) තලවතුගොඩ ග්‍රෑන්ඩ් මොනාර්ච් හෝටලයේදී අත්සන් කිරීමට නියමිත බවත් සඳහන්.
අභ්‍යන්තර ආරංචි මාර්ග පවසන්නේ, චම්පික රණවක මන්ත්‍රිවරයාගේ පක්ෂයේ සාමාජිකයන්ගේ ඉල්ලීම මත මෙම තීරණය ගෙන ඇති බවයි.
ඔහු මහ මැතිවරණයට ඉදිරිපත් වූයේ සමගි ජන බලවේගයෙනි.
ඉන් ඉවත්ව 43 සේනාංකය පිහිටවූ ඔහු පසුව එක්සත් ජනරජ පෙරමුණ ද ඇති කළේ සජිත් ප්‍රේමදාස දැඩි ලෙස විවේචනය කරමින්.
මේ අතර පසුගිය දිනවලදී ඔහු කියා සිටියේ රාජපක්ෂලා නොමැති සන්ධානයකට සහාය ලබාදෙන බවයි.
එමෙන්ම විපක්ෂ නායක සජිත් ප්‍රේමදාස ද දැඩි ලෙස විවේචනය කළ චම්පික රණවක මන්ත්‍රිවරයා කියා සිටියේ අවස්ථාවක් ලැබුණහොත් තමාද ජනාධිපතිවරණයට ඉදිරිපත් වන බවයි.
