පෞද්ගලික සරසවි සිසුවාගේ ඝාතනය ගැන තවත් කරුණු හෙළිවෙයි

හෝමාගම ප්‍රදේශයේ පුද්ගලික විශ්වවිද්‍යාලයක සිසුන් දෙපිරිසක් අතර ඇතිවූ ගැටුමකින්, එම විශ්වවිද්‍යාලයේම සිසුවෙකු මියයෑමට අදාළව තවත් කරුණු අනාවරණය වී තිබේ. අදාළ විශ්වවිද්‍යාලය විසින් ඊයේ (9) දිනයේදී අවුරුදු උත්සවයක් සංවිධානය කර තිබිණි.

එම අවුරුදු උත්සවයේ සියලු කටයුතු පස්වරු 6ට පමණ අවසන් වී ඇත. කෙසේ වෙතත් අනතුරුව එම විශ්වවිද්‍යාලයේ සිසුන් පිරිසක් රාත්‍රියේ පෞද්ගලිකව සාදයක් සංවිධානය කර තිබිණි.

පෞද්ගලික විශ්වවිද්‍යාලයක සිසුන් දෙපිරිසක් අතර උණුසුම් ගැටුමකින් එක් සිසුවෙක් ජීවිතක්ෂයට - 5 දෙනෙක් අත්අඩංගුවට

එම සාදය පැවැත්වෙන අතරවාරයේ දී සිසුවියක් වැසිකිළියාමට ගොස් ඇති අතර, එහිදී ඇය පසුපස සිසුවෙකුද ගොස් තිබේ. එය දුටු එම සිසුවියගේ මිතුරෙකු (මරණයට පත් වූ ශිෂ්‍යයා), ඇය පසුපස ගිය සිසුවාට පහරදීමක් සිදුකර ඇත. එම අවස්ථාවේදී පහරකෑමට ලක්වූ සිසුවාගේ යහළුවන් පිරිසක්, පහරදුන් සිසුවාට දැඩි ලෙස පහරදී පළාගොස් තිබේ.

පහරකැමෙන් බරපතළ තුවාල ලැබූ එම සිසුවා හෝටල් සේවකයින් විසින් රෝහල් ගත කර ඇති බව සඳහන් වේ. කෙසේ වෙතත් ඒ වන විටත් අදාළ සිසුවා මරණයට පත්ව සිට ඇත. මෙම සිද්ධිය සම්බන්ධයෙන් සිසුන් 5දෙනෙකු මේ වනවිට අත්අඩංගුවට ගෙන තිබේ.

මෙලෙස මියගොස් ඇත්තේ වයස අවුරුදු 19ක් වූ නිකදළුපොත වැල්ලව ප්‍රදේශයේ පදිංචිකරුවෙක්ය. සිද්ධිය සම්බන්ධයෙන් හෝමාගම පොලීසිය වැඩිදුර විමර්ශන සිදුකරනු ලබයි.

පාර්ලිමේන්තුව ඉදිරිපිට සජබෙන් විරෝධතාවක්