ක්‍රිකට් රසිකයින්ට නම් දුක හිතෙයි.. පිටියේ දස්කම් පෑ එයා විශ්‍රාම යන්න යයී.. මෙන්න එකවරම කළ දැනුම්දීම.. (PHOTOS)
krishani
මේ කියන්න යන්නේ ඔබ වඩාත් ආදරය කරන ක්‍රිකට් ක්‍රීඩකයෙක් ගැනයි.
ඒ එංගලන්ත ජාතික කණ්ඩායම නියෝජනය කරන තුන් ඉරියව්වෙන්ම දස්කම් පාන මොයින් අලී.
ඔහු ජාත්‍යන්තර ක්‍රිකට් ක්‍රීඩාවෙන් සමුගන්නා බවට නිල වශයෙන් නිවේදනය කර තිබෙනවා.
ඒ අනුව 37 හැවිරිදි ඔහු පවසා ඇත්තේ තව දුරටත් ෆ්‍රන්චයිස් ක්‍රිකට් ක්‍රීඩා කිරීමට බලාපොරොත්තු වන බවටත් ක්‍රිකට් පුහුණු කිරීම උදෙසා පුහුණුකරුවකු ලෙස කටයුතු කිරීමටත් අවධානය යොමු කර ඇති බවයි.
"මම එංගලන්තය වෙනුවෙන් ගොඩක් ක්‍රිකට් ක්‍රීඩා කරලා තියෙනවා. ඊළඟ පරම්පරාවට දැන් කාලය ඇවිත්. ඒක මටත් පැහැදිලියි. වෙලාව හරි කියලා දැනුණා. මම මගේ කොටස කළා."
කෙසේ වෙතත්, 2014 වසරේ ජාත්‍යන්තර මංගල තරගයකින් පසුව, Moeen තුන් ඉරියව් ක්‍රීඩකයෙකු ලෙස ටෙස්ට් තරඟ 68ක්, ODI තරඟ 138ක් සහ T20I තරඟ 92ක් ක්‍රීඩා කර තිබෙනවා.
එමෙන්ම, එංගලන්තය වෙනුවෙන් ලකුණු 6678ක්, ශතක 8ක්, අර්ධ ශතක 28ක් සහ කඩුලු 366ක් ලබා ගැනීමට සමත් විය.
තව ද, ඉන්දීය ප්‍රිමිය ලීගයේ චෙන්නායි සුපර් කිංග්ස් කණ්ඩායමද නියෝජනය කිරීමට ද ඔහුට හැකියාව ලැබිණ.
