දාවුද් ඊබ්‍රහිම් LTTE සන්ධාන ගැන මම දැනුවත් නෑ..පොලීසිය දන්නවා නම් එයාලා ක්‍රියා කරයි - විජේපාල

ඉන්දීය සංවිධානාත්මක අපරාධ කණ්ඩායමක් වන දාවුද් ඊබ්‍රහිම් සින්ඩිකේටය (D-syndicate) සහ දෙමළ ඊළාම් විමුක්ති කොටි (LTTE) සංවිධානයේ ඉතිරිව සිටින කණ්ඩායම් අතර නව සන්ධානයක් සම්බන්ධයෙන් ඉන්දීය බුද්ධි අංශ මඟින් අනාවරණය කිරීමත් සමඟ, මෙරට තුළ සිදුවිය හැකි ඕනෑම නීති විරෝධී ක්‍රියාවකට විරුද්ධව ස්ථිරසාර ක්‍රියාමාර්ග ගන්නා බව මහජන ආරක්ෂක අමාත්‍යාංශය පවසයි.

ඒ අනුව මෙම චෝදනාත්මක සහයෝගීතාවය සම්බන්ධයෙන් අදහස් දක්වමින්, මහජන ආරක්ෂක අමාත්‍ය ආනන්ද විජේපාල මහතා කියා සිටියේ මෙම විශේෂිත තොරතුර පිළිබඳව තමා දැනුවත් නොවූවද මත්ද්‍රව්‍ය ජාවාරම මැඩලීමට රජය මේ වන විටත් විශාල වැඩසටහනක් දියත් කර ඇති බවයි.

ඉන්දීය බුද්ධි අංශයෙන් දරුණු හෙළිදරව්වක් LLTEයත් සම්බන්ධයිලු

එහිදී වැඩිදුරටත් අදහස් දැක්වූ අමාත්‍යවරයා,

"කිසියම් නීති විරෝධී ක්‍රියාවක් සිදුවනවා නම්, අපි ක්‍රියාමාර්ග ගන්නවා.පොලිසියට මෙම තොරතුරු ලැබී ඇත්නම්, ඔවුන් ඒ අනුව ක්‍රියා කරනු ඇතැයි" පැවසුවා.

එසේම ඉන්දීය බුද්ධි අංශ මඟින් නිකුත් කරන ලද ඉහළ මට්ටමේ අනතුරු ඇඟවීමකට අනුව, D-සින්ඩිකේටය සහ හිටපු එල්ටීටීඊ ක්‍රියාකරුවන් එක්ව දකුණු ඉන්දියාව සහ ශ්‍රී ලංකාව හරහා සිය මත්ද්‍රව්‍ය ජාලය පුළුල් කිරීමට උත්සාහ කරන බව සඳහන්.

එමෙන්ම මහාරාෂ්ට්‍ර, ගුජරාට් ඇතුළු බටහිර සහ උතුරු ඉන්දියාවේ නීතිය බලාත්මක කිරීමේ මෙහෙයුම් තීව්‍ර වීම නිසා D-සින්ඩිකේටය දැඩි පාඩු ලැබ ඇති බව වාර්තා වේ.

කෙසේ වෙතත් නව මාර්ග සොයමින්, මෙම කණ්ඩායම දැන් මත්ද්‍රව්‍ය ප්‍රවාහනය වෙනුවෙන් තමිල්නාඩුව සහ ශ්‍රී ලංකාව හරහා විහිදුණු එල්ටීටීඊ සංවිධානයේ පැරණි ජාවාරම් ජාලය භාවිතා කරමින් සිටින බවට බුද්ධි අංශ අනතුරු අඟවා ඇත.

ආණ්ඩුවේ බලය ගත් මාලිමාවට අති දැවැන්ත පරාජයක් - මෙන්න විස්තරය

රෑත් හොඳට පාඩම් කරලා ඇඳට ගියේ දෙයියනේ - විභාගය ලියන්න හිටපු උසස් පෙළ ශිෂ්‍යාවක් නිදි ඇඳේදිම ජීවිතක්ෂයට