මැදපෙරදිග අර්බුදය ගැන ජනාධිපති-පක්ෂ නායක හමුවක්

ජනාධිපති මාධ්‍ය අංශය විසින් නිකුත් කළ නිවේදනයකට අනුව, මෙම හමුවේදී මැදපෙරදිග යුද්ධ තත්ත්වය හේතුවෙන් ගෝලීය මට්ටමින් මතු වී ඇති බලශක්ති අර්බුදය සහ එය ශ්‍රී ලංකාවේ බලශක්ති ක්ෂේත්‍රයට මෙන්ම ආර්ථිකයට ඇති කරන බලපෑම් පිළිබඳව විශේෂ අවධානය යොමු විය.

ජනාධිපතිවරයා මෙහිදී එම අර්බුදයට මුහුණ දීම සඳහා රජය මේ වන විට ගෙන ඇති ක්‍රියාමාර්ග පිළිබඳව පක්ෂ නායකයින්ට පැහැදිලි කළේය.

මැදපෙරදිග ගැටුම් හේතුවෙන් ඉන්ධන, ගෑස් හා විදුලි බලශක්ති සැපයුම් දාමවල ඇති වී ඇති බාධක, විදේශ විනිමය බලපෑම් ඇතුළු කරුණු සම්බන්ධයෙන් සාකච්ඡා වූ බව වාර්තා වේ.

හිරු උණුසුම ගැන සැලකිලිමත් වන්න

මෙම සාකච්ඡාවට විපක්ෂ නායක සජිත් ප්‍රේමදාස මහතා, රාවුෆ් හකීම් මහතා, මනෝ ගනේෂන් මහතා ඇතුළු පක්ෂ නායකයින් රැසක් සහභාගී වූහ.

මෙය මැදපෙරදිග ගැටුම් හේතුවෙන් ඉන්ධන මිල ඉහළ යාම, සැපයුම් බාධක ඇති වීම හා රටේ ආර්ථික ස්ථාවරත්වය ආරක්ෂා කිරීම සම්බන්ධයෙන් රජයේ උපාය මාර්ග පිළිබඳව දේශපාලන පක්ෂ අතර සාකච්ඡාවක් ලෙස වැදගත් වේ.

ජනාධිපතිවරයා මීට පෙර පාර්ලිමේන්තුවේදීද මෙම තත්ත්වය පිළිබඳව විස්තරාත්මකව කතා කර ඇති අතර, ඉන්ධන සැපයුම් සඳහා නැව් ගණනාවක් ලැබීම සහ අත්‍යවශ්‍ය සේවාවන්ට ප්‍රමුඛත්වය ලබාදීම ඇතුළු ක්‍රියාමාර්ග ගැන සඳහන් කර තිබේ.

ඉන්ධන දීම නවතයි - බවුසර් ආපසු හරවා යවයි