අපි හැමෝම වැඩ කරකර හිටියේ - වතුර බොන්න මම උඩට එද්දිම පස් කඩන් වැටිලා අනිත් තුන්දෙනා යටවුණා

මාවනැල්ල අලුත් නුවර දැඩිමුණ්ඩ දේවාලයට ප්‍රධාන මාර්ගයේ මාණික්කාව ප්‍රදේශයේ නිවසක් ආසන්නයේ බැම්මක් බදිමින් සිටි කම්කරුවන් පිරිසක් මතට පස් කන්දක් කඩා වැටීමෙන් අද (29) පෙරවරුවේ තිදෙනෙක් මිය ගිය අතර එහිදී සිද්ධියට මුහුණ දුන් යු.ඩබ්. ජයම්පති ජයරත්න නම් පුද්ගලයා ඔහු එහිදී මුහුණ දුන් අත්දැකීම පිලිබදව මෙලෙස පැවසුවේය.

භයානක ලෙඩක් ඒ පාර ඉන්දියාවෙන් බෝවන රෝගයක් හැමෝම පරිස්සමෙන්

“මමයි සංජීවයි අපි කට්ටියම එතන කාණුව කැපුවා. මම කාණුව අස්සේ ඉඳලා වතුර තිබහක් ආව නිසා එතැනින් එළියට ආවා. ඒ එක්කම වගේ කාණුවේ ඉවුරේ පස් කඩා වැටිලා ඒ තුන්දෙනා යටවුණා.” ‍’මගේ ගෙවල් කහකොටුවේ. මම මෙතනට ආවේ කන්ට්‍රැක් බාසුන්නැහැගේ උවමනාවට. මේ කොන්ත්‍රාත්තුව අරන් තිබුණේ වසන්ත. එයා එක්ක අපි කාලයක් තිස්සේ වැඩ කරනවා එයා කෝල් එකක් දීලා අපි දවස් හතරක් තිස්සේ මෙතන වැඩ කරනවා. අපි උදේ අටට විතර වැඩ පටන් ගත්තා. මාත් එක්ක තුන්දෙනෙක් වැඩ කළා. සංජීව, වසන්ත සහ ජිනේ. මමයි සංජිවයි අපි ටික ඊට පස්සේ කාණු කපමින් සිටියා. මට වතුර තිබහක් ආවා. මම වතුර බොන්න ගොඩට ආවා. ඊට පස්සේ තමයි ඉවුර ඇවිත් තුන්දෙනා යට වුනා. මම කාණුව අස්සේ ඉදලා වතුර බොන්න උඩට ආවාට පස්සේ තමයි මේ සිදු වීමට මුහුණ දුන්නේ” ලෙසයි.

තලපති විජේගේ නිවසට බෝම්බ ප්‍රහාරයක් ?

පොලිසිය වාර්තා කලේ මෙම සිදුවීමෙන් පසු ප්‍රදේශවාසීන් පොලිසිය යුධ හමුදාම එක්ව බැකෝ යන්ත්‍රයක්ද උපයෝගි කර ගනිමින් පස් ඉවත්කර කම්කරුවන් සොයා ගන්නා විට ඔවුන් මිය ගොස් සිටි බවයි.

මෙම බැම්ම ඉදි කරමින් සිටි ස්ථානයට ඉහළින් අලුත් නුවර දේවාලයට සහ අලුත් නුවර නගරයට යන ප්‍රධාන මාර්ගය පිහිටා ඇති අතර මෙම සිදුවීමෙන් පසුව එම මාර්ගයද තාවකාලිකව වසා මෙම පිරිස සොයා ගැනීමට මෙහෙයුම් කඩිනමින් ආරම්භ කර ඇත.

මේක ඔයාලගේ ගෙදර තියෙනවනම් දැන්ම අයින් කරන්න - බලශක්ති අධිකාරිය

නමුත් මෙම බැම්ම ඉදි කරන්නට කොන්ත්‍රාත් පදනම් මත මෙම කටයුත්ත භාර දී තිබුණු අය එම නිවසේ අයිති කරු වන අතර ඔහු කෑගල්ල පොලිස්සේ සේවය කරන නිලධාරියෙක් වන ඩබ්ලිව්. ඩබ්ලිව්. ප්‍රේමතිලක නමැති අයයි.

ඔහු මාධ්‍යයට අදහස් දක්වමින් මෙසේ පැවසුවා.

''මෙතන පස් කඩා වැටෙන නිසා බැම්මක් ගහන්න ඔනෑ කියලා මම කල්පනා කරලා තමයි මේ වැඩේ පටන් ගත්තේ. මේ ආසන්නයේ ස්ථානයක වැඩක් කරමින් හිටියා බාස්ලා කිහිප දෙනෙක්. ඒ අයට මම කතා කරලා කිවා මාගේ වැඩක් තියෙනවා කරලා දෙන්න පුළුවන්ද කියලා. ඊට පස්සේ කරලා දෙන්නම් කියලා පොරොන්දු වුණා. මම වැඩට ගියපු වේලාවක ඇවිත් බලලා ලක්ෂ දෙකයි පනස් දාහකට කරලා දෙන්නම් කියලා පොරොන්දු වෙලා තිබුණා. මම කිවා දෙකයි හතලිහකට කරමුද කියලා. ඊට පස්සේ හා කියලා කොන්ත්‍රාත් පදනම මත වැඩේ භාර ගත්තා.ඊට පස්සේ කාණු කපමින් සිටියා. එතකොට සද්දයක් ඇහුණා. බලද්දි සම්පුර්ණයෙන් කාණුව වැහිලා. ඊට පස්සේ ළඟ අහල පහල අයට යාළුවන්ට කතා කරලා බැකෝ ගෙනත් මේ අය ගොඩ ගත්තා. නමුත් අවාසනාවන්ත ලෙස ඔවුන් මෙලොව හැර ගිහින් තිබුණා.”

තව තවත් ඉහළට යන අද රන් මිල

මිය ගිය අයගේ දේහයන් මේ වන විට මාවනැල්ල රජයේ රෝහලේ ඇති අතර සිද්ධිය සම්බන්ධයෙන් මාවනැල්ල පොලිසිය වැඩිදුර පරීක්ෂණ සිදු කෙරේ. මෙලෙස මිය ගිය අය අරණායක ප්‍රදේශයේ පදිංචිකරුවන් වන අතර, වයස අවුරුදු 63 ක් වන පී.පී. ජිනසෝම, වයස අවුරුදු 40 ක් වන ලලිත් ප්‍රියන්ත කුමාර සහ වයස අවුරුදු 47 ක් වන පි. සංජීව නන්දසිරි යන අයයි. මේ සියලු දෙනාම එකම ගම්මානයේ අය වන අතර සියලු දෙනාම විවාහකයන් බවයි පොලිසිය පවසා සිටියේ.

ලංකාවේ රන් මිල වාර්තාගත ලෙස ඉහළට