හාල් හිඟයක් ඇති වෙන්න දෙන්නෙ නෑ, අරක්කු හදන්නත් හාල් ආනයනය කරන බව කියන ලාල්

කෘෂි­කර්ම, ඉඩම්, වාර්මාර්ග හා පශු සම්පත් අමාත්‍ය කේ.ඩී ලාල්කාන්ත මහතා විසින් ශ්‍රී ලංකාවේ නිෂ්පා­ද­නය කරන සහල්, මත්පැන් නිෂ්පා­ද­නයට මින් ඉදි­රි­යට ලබා නොදෙන බව ප්‍රකාශ කර ඇත.

හිටපු ඇමති නිමල් සිරිපාලගේ නිවසේ සේවිකාවක් ජීවිතක්ෂයට

එසේම ඒ වෙනුවෙන් අවශ්‍ය සහල් ආන­ය­නය කිරී­මට අව­ස්ථාව සලසා දෙන බවත් ඔහු පවසා ඇත. තවද මත්පැන් නිෂ්පා­ද­නයට ආන­ය­නය කරන සහල්, දේශීය වෙළෙ­ඳ­පො­ළට නිකුත් වීම වැළැ­ක්වීම වෙනුවෙන් එම සහල් තොග සතොස ගබඩා හරහා විධි­මත් ආකාරයට බෙදා­හැ­රීමේ වැඩ­පි­ළි­වෙ­ළක් සකස් කරන බව ද ලාල්කාන්ත මහතා කියයි.

ඔහු මේ බව කියා සිටියේ ගන්නෝ­රුව සත්ත්ව නිෂ්පා­දන හා සෞඛ්‍ය දෙපා­ර්ත­මේ­න්තුවේ පැවති සාක­ච්ඡා­ව­කින් පසු මාධ්‍ය හමුවේ අද­හස් දක්ව­මින්.

ජපුරෙන් තීරණයක්, ආයේ බාහිර උපාධි හා විස්තාරිත පාඨමාලා නෑ

එහිදී ඔහු වැඩිදුරටත් පැවසුවේ,

“කාල­ගු­ණික තත්ත්වයේ අය­හ­පත් බල­පෑම නිසා පසු­ගිය මාස් කන්නයේ අපේක්ෂා කළ වී අස්වැන්න වෙත ළඟා­වීමේ හැකි­යා­වක් ලැබුණේ නැහැ. පාරි­භෝ­ගි­ක­යන්ට මේක අර්බු­ද­යක් ලෙස දැනෙන්න අපි ඉඩ දෙන්නේ නැහැ. මාස් කන්නයේ ගොවීන්ට වී සඳහා හොඳ මිලක් දෙමින් ගොවි ජන­තා­වගේ ප්‍රශ්නය විස­ඳුවා. අපේක්ෂා කළ අස්වැන්න නොලැ­බුණු නිසා පාරි­භෝ­ගි­ක­යන්ගේ පැත්තෙන් ඉදි­රි­යේදී අභි­යෝ­ග­යක් තිබෙ­නවා. ඒ නිසා අවශ්‍ය කරන සහල් ප්‍රමා­ණය විධි­මත් ක්‍රම­වේ­ද­යක් යටතේ විදේශ රට­ව­ලින් ගෙන්ව­නවා.

සාමාන්‍ය පෙළ ප්‍රතිඵල නිකුත් කරන දිනය මෙන්න

විප­ක්ෂය කියන අදේ­ශ­පා­ල­නික සත්ත්ව වර්ගයා පසු­ගිය සිංහල හා දෙමළ අවු­රුදු සම­යේදී කිරි­බත් කන්නත් සහල් නැති වන බව සාවද්‍ය මත සමා­ජ­ගත කරන්න උත්සාහ කළා. නමුත් එහෙම හිඟ­යක් අති වුණේ නැහැ. මේ වගේ ජන­තාව බිය වද්දන දේවල් ඉදි­රි­යේ­දීත් විය හැකියි. අපේ විප­ක්ෂය ජාතික වශ­යෙන් හිතන්න තරම් තාම දියුණු නැහැ. ඉදි­රි­යේදී රටේ සහල් හිඟ­යක් ඇති වීමට ඉඩක් නොවන බව ස්ථිරව ප්‍රකාශ කළ හැකියි.”

අද ලග්න පලාපල – 2025 ජූනි 30 | අද ඔබේ ලග්නයෙන් ජීවිතය වෙනස් වෙයිද?