තාමිල්නාඩු - කන්කසන්තුරේ මගී බෝට්ටු සේවය තාවකාලිකව නවතියි

ඉන්දියාවේ තමිල්නාඩු ප්‍රාන්තයේ නාගපට්ටිනම් සහ ශ්‍රී ලංකාවේ කන්කසන්තුරේ අතර ක්‍රියාත්මක වන මගී ප්‍රවාහන බෝට්ටු සේවය අද (26) සිට එළඹෙන දෙසැම්බර් මාසය දක්වා තාවකාලිකව අත්හිටුවීමට තීරණය කර ඇත.

මෙම තීරණයට හේතුව වී ඇත්තේ එම මුහුදු ප්‍රදේශවල පවතින අයහපත් කාලගුණික තත්ත්වයයි. විශේෂයෙන්, එම ප්‍රදේශවල හමන තද සුළං, රළු මුහුදු තත්ත්වයන් සහ වැසි ඇතුළු අනාරක්ෂිත කාලගුණ රටාවන් හේතුවෙන් මගීන්ගේ ආරක්ෂාව සහතික කිරීම සඳහා මෙම තාවකාලික නැවැත්වීම ක්‍රියාත්මක කර තිබේ.

ඒ අනුව, මෙම බෝට්ටු සේවය යළි ආරම්භ කිරීමට නියමිත දිනයක් සම්බන්ධයෙන් නිශ්චිත තොරතුරු පසුව නිවේදනය කිරීමට නියමිතය. මගීන්ට උපදෙස් දී ඇත්තේ, යාවත්කාලීන තොරතුරු සඳහා අදාළ බලධාරීන් හෝ සේවා සපයන්නන් සමඟ සම්බන්ධ වන ලෙසයි. 

මෙයාව දැක්කොත් වහාම කියන්න - ලසන්ත ඝාතක සැකකරු සොයයි

රටම කැලඹිලා - 29,414 දෙනෙකු පීඩාවට