ඉන්දීය අගමැති මෝදිගේ සංචාරයේ දී ගිවිසුම් පහක්!

Anura Kumara Dissanayaka Narendra Modi Government Of Sri Lanka Government Of India India
By Shehan Apr 02, 2025 10:18 AM GMT
Shehan

Shehan

Report

ඉන්දීය අගමැති ශ්‍රී නරේන්ද්‍ර මෝදි මහතාගේ ශ්‍රී ලංකා සංචාරය අතරතුර, ආරක්ෂක, බලශක්ති සහයෝගීතාව, ඩිජිටල්කරණය, සෞඛ්‍ය සහ බහු-ආංශික ආධාර ලබාදීම සම්බන්ධ අවබෝධතා ගිවිසුම් කිහිපයක් හුවමාරු කිරීමට සැලසුම් කර ඇති බව ඉන්දීය විදේශ ලේකම් ශ්‍රී වික්‍රම් මිස්රි මහතා ප්‍රකාශ කළේය.

ඉන්දීය අගමැතිවරයා 6 වැනි බිම්ස්ටෙක් සමුළුවට සහභාගී වීමෙන් පසු හෙට (04) සවස තායිලන්තයේ සිට ශ්‍රී ලංකාවට පැමිණීමට නියමිත බවත්, ඔහු මාධ්‍ය හමුවකදී සඳහන් කළේය.

ජනාධිපති අනුර කුමාර දිසානායක මහතාගේ ප්‍රථම විදේශ සංචාරය ඉන්දියාව වෙත වූ අතර, එහිදී කළ ආරාධනයකට අනුව ඉන්දීය අගමැතිවරයා අප්‍රේල් 4 සිට 6 දක්වා ශ්‍රී ලංකාවේ නිල සංචාරයකට පැමිණෙන අතර, ජනාධිපතිවරයා ලෙස අනුර කුමාර දිසානායක මහතා පත්වීමෙන් පසු ඔහු සත්කාරකත්වය දක්වන පළමු විදේශ නායකයා ලෙස ඉන්දීය අගමැතිවරයා හැඳින්විය හැකිය.

ජපානයට ඉතා දරුණු ගණයේ අනතුරු ඇඟවීමක් -ලංකාවට බලපෑමක්?

ජපානයට ඉතා දරුණු ගණයේ අනතුරු ඇඟවීමක් -ලංකාවට බලපෑමක්?

අනිද්දා (05) කොළඹදී ඉන්දීය අගමැතිවරයා සහ ශ්‍රී ලංකා ජනාධිපතිවරයා අතර නිල සාකච්ඡා පැවැත්වෙන අතර, ඉන්දියානු ආධාර යටතේ ශ්‍රී ලංකාවේ ක්‍රියාත්මක වන ව්‍යාපෘති කිහිපයක් විවෘත කිරීමට නායකයෝ දෙදෙනා එක්ව සහභාගී වන බව ඉන්දීය විදේශ ලේකම්වරයා පැවසීය.

සාම්පූර් සූර්ය බලශක්ති ව්‍යාපෘතියේ මුල්ගල තැබීම සඳහා නායකයෝ දෙදෙනා මාර්ගගත ක්‍රමයට එක්වනු ඇත. මෙය ද්විපාර්ශ්වික සහයෝගීතාවයේ සුවිශේෂී අවස්ථාවක් වනු ඇතැයි ඔහු සඳහන් කළේය. කොළඹ රැඳී සිටින කාලය තුළ ඉන්දීය අගමැතිවරයා ශ්‍රී ලංකාවේ අනෙකුත් දේශපාලන නායකයින් හමුවීමට ද සැලසුම් කර ඇති බව ඔහු පැවසීය.

ශ්‍රී ලංකා ජනාධිපතිවරයා විසින් ඉන්දීය අගමැතිවරයා වෙනුවෙන් ගෞරව භෝජන සංග්‍රහයක් ද පවත්වනු ඇත.

අත්‍යවශ්‍ය ආහාර ද්‍රව්‍ය කිහිපයක අලුත් මිල ගණන් මෙන්න

අත්‍යවශ්‍ය ආහාර ද්‍රව්‍ය කිහිපයක අලුත් මිල ගණන් මෙන්න

අප්‍රේල් 6 වැනිදා නායකයෝ දෙදෙනා අනුරාධපුරයට පැමිණෙන අතර, එහිදී ජය ශ්‍රී මහා බෝධිය වැඳ පුදා ගැනීමට නියමිතය. අනුරාධපුර සංචාරයේදී ඉන්දියානු ආධාර යටතේ ක්‍රියාත්මක වන ව්‍යාපෘති දෙකක් විවෘත කිරීමට ද නායකයෝ සහභාගී වන අතර, ඉන්දීය අගමැතිවරයා එදින සවස ඉන්දියාව බලා පිටත් වනු ඇත. 

ReeCha