දිට්වා සුළි කුණාටුවෙන් පීඩිත ජනතාවට ඉන්දියාවෙන් අත දෙයි - අමතර T20 මැච් දෙකක්

දිට්වා සුළි කුණාටුවෙන් රටට සිදුවූ විනාශයෙන් පසු සහන සහ ප්‍රතිසාධන කටයුතුවලට සහාය වීමේ උත්සාහයක් ලෙස, ඉන්දියාව අගෝස්තු මාසයේදී ශ්‍රී ලංකාවේ සංචාරය කරන විට අමතර විස්සයි20 තරඟයක් ක්‍රීඩා කිරීමට එකඟ වී ඇති බව ශ්‍රී ලංකා ක්‍රිකට් සභාපති ෂම්මි සිල්වා මහතා පැවසීය.

ඉන්දීය ජාතික කණ්ඩායම මෙම වසර අගදී ICC ලෝක ටෙස්ට් ශූරතා තරඟාවලිය සඳහා ශ්‍රී ලංකාවේ සංචාරය කරන විට මෙම අතිරේක විස්සයි20 තරඟය ක්‍රීඩා කරනු ඇති බව සිල්වා මහතා අවධාරණය කළේය. මෙය ශ්‍රී ලංකාව සමඟ පවතින සහයෝගීතාවයේ දිගුවක් ලෙස ගත් තීරණයක් බවත් ඔහු සඳහන් කළේය.

විස්සයි20 ලෝක කුසලානය සඳහා දකුණු අප්‍රිකානු සංචිතය මෙන්න

අගෝස්තු මාසයේදී පැවැත්වෙන මෙම අතිරේක තරඟයෙන් ලැබෙන ආදායම සහ ජනතා අවධානය සහන කටයුතු සහ රට නැවත ගොඩනැගීමට උපකාරී වනු ඇති බව පැවසූ සභාපතිවරයා, ඉන්දියාවේ මෙම සහයෝගයට කෘතඥතාව පළ කළේය.

“දිට්වා” සුළි කුණාටුව දිවයිනේ ප්‍රදේශ කිහිපයකට දැඩි හානි සිදුකරමින් ගංවතුර සහ නායයෑම් ඇති කළ අතර, ලක්ෂ සංඛ්‍යාත ජනතාවට බලපෑම් එල්ල විය. නිවාස, යටිතල පහසුකම් සහ ජීවනෝපායන්ට පුළුල් හානි සිදු වූ මෙම ව්‍යසනයෙන් පසු ශ්‍රී ලංකා ක්‍රිකට් ආයතනය අන්තර්ජාතික ක්‍රීඩාංගණ ගවේෂණය කිරීම සහ විදේශීය මණ්ඩල සමඟ අරමුදල් රැස්කිරීමේ වැඩසටහන්වලට සම්බන්ධ වී ඇත.

කොළඹ කොටස් වෙළඳපොළේ නව අවුරුදු තෑග්ග - දර්ශක ඉහළටම

එසේම, ඉදිරියේදී පාකිස්තානයට එරෙහි විස්සයි20 තරඟාවලියෙන් ලැබෙන ආදායමද ගංවතුර සහන කටයුතු සඳහා පරිත්‍යාග කරන බව ෂම්මි සිල්වා මහතා පැවසීය.

මෙම ක්‍රිකට් සහයෝගීතාව මගින් ආපදාවෙන් පීඩාවට පත් ජනතාවට සහනයක් ලබාදීමටත්, රටේ ප්‍රතිසාධනයට දායක වීමටත් බලාපොරොත්තු වේ.

පාසල් වේලාව දීර්ඝ කිරීමේ තීරණය ආපස්සට..