චොක්ලට් එකෙන් මතු වූ ඇඟිල්ල වගේ ද අයිස් ක්‍රීම් එකෙන් මතු වූ මේ ඇඟිල්ල. - (VIDEO)
Wayomi
මතකද කාලෙකට කලින් චොක්ලට් එකක් ඇතුලේ තිබිලා ඇඟිල්ලක් හම්බුනා.
ඉතින් මේ කියන්න යන්නේ කාන්තාවකට අයිස්ක්‍රීම් එකක් ඇතුලෙන් ඇඟිල්ලක් හමු වූ පුවතක් ගැනයි.
මෙම සිදුවීම බොහෝ දෙනෙකු තුල කම්පනයක් ඇති කර ඇති අතර එය දැඩි කතාබහට ලක්ව තිබෙනවා.
හැබැයි මේ ලංකාවේ නම් නෙවෙයි, මුම්බායි හි කාන්තාවක් අන්තර්ජාලය හරහා Yummo අයිස්ක්‍රීම් සමාගමෙන් අයිස්ක්‍රීම් කෝන් එකක් ඇණවුම් කර ඇති අතර එහි තිබී මෙම ඇඟිල්ල සොයාගෙන තිබෙනවා.
එහිදී ඇය වහාම එහි ඡායාරූපයක් සහ වීඩියෝවක් ගෙන සමාජ මාධ්‍ය වෙත පළ කළ අතර පසුව මලාඩ් පොලිසියට ගොස් පැමිණිල්ලක් සිදු කර ඇත.
මේ පිළිබඳව අදහස් දක්වමින් ඇය කියා සිටියේ “මම වෛද්‍යවරයෙක්, ඒ නිසා මම දන්නවා ශරීරයේ කොටස් මොන වගේද කියලා.හොඳින් පරීක්ෂා කර බැලීමේදී, එහි යටින් නියපොතු සහ ඇඟිලි සලකුණු මම දුටුවෙමි. එය මාපටැඟිල්ලක් මෙන් දිස් විය. මම කම්පනයට පත් වෙනවා, ”
ආහාර මිශ්‍ර කිරීම සහ මිනිස් ජීවිතයට අනතුරක් කිරීම සම්බන්ධයෙන් Yummo දැන් නඩු පවරා ඇති අතර මේ සම්බන්ධයෙන් වැඩිදුර විමර්ශන සිදුකෙරෙන බවයි වාර්තා වන්නේ.
