පවතින කාලගුණයේ වෙනසක් - සිද්ධවෙන දේ ගැන පෙර දැනුම්දීමක්

දිවයිනේ පවතින සක්‍රීය නිරිතදිග මෝසම් දේශගුණික තත්ත්වය හේතුවෙන් බස්නාහිර, සබරගමුව සහ වයඹ යන පළාත්වලට මෙන්ම ගාල්ල, මාතර, මහනුවර සහ නුවරඑළිය යන දිස්ත්‍රික්කවලට හෙට දවසේදී විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිල වශයෙන් පවසයි.

එම දෙපාර්තමේන්තුව විසින් නිකුත් කරන ලද නවතම කාලගුණ නිවේදනයේ සඳහන් වන්නේ, එම ප්‍රදේශ අතරින් විශේෂයෙන්ම බස්නාහිර සහ සබරගමුව යන පළාත්වලත්, ගාල්ල, මාතර, මහනුවර සහ නුවරඑළිය යන දිස්ත්‍රික්කවලත් ඇතැම් ස්ථානවලට මිලිමීටර් 50 ට වැඩි තරමක තද වැසි ඇතිවීමේ ඉහළ හැකියාවක් පවතින බවයි.

නුවරඑළිය මහ නගර සභාවේ ඩීසල් වංචාවක් - තොරතුරු එළියට

මීට අමතරව උතුරු මැද සහ දකුණු පළාත්වල ප්‍රධාන නගර ඉලක්ක කර ගනිමින් අනුරාධපුර සහ හම්බන්තොට යන දිස්ත්‍රික්කවල ද හෙට දිනයේදී වැසි ස්වල්පයක් ඇති විය හැකි බව ද එම කාලගුණ නිවේදනය මඟින් වැඩිදුරටත් පෙන්වා දී තිබේ.

දිවයින පුරා පවතින සුළං තත්ත්වය පිළිබඳව අදහස් දක්වන කාලගුණ විද්‍යා දෙපාර්තමේන්තුව සඳහන් කරන්නේ, මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු මැද යන පළාත්වලත්, හම්බන්තොට සහ ත්‍රිකුණාමලය යන දිස්ත්‍රික්කවලත් විටින් විට හමන පැයට කිලෝමීටර් 40 ත් 50 ත් පමණ තරමක තද සුළං ඇති විය හැකි බවයි.

එසේම දිවයිනේ සෙසු සෙසු ප්‍රදේශවල ද විටින් විට හමන පැයට කිලෝමීටර් 30 ත් 40 ත් පමණ සාමාන්‍ය මට්ටමේ තද සුළං ඇති විය හැකි බව එම දෙපාර්තමේන්තුව පවසයි.

රටේ බලශක්ති අර්බුදය සහ සහල් හිඟය සම්බන්ධයෙන් අමාත්‍ය වසන්ත සමරසිංහගෙන් ප්‍රකාශයක්

පවතින වැසි සහිත කාලගුණයත් සමඟ ගිගුරුම් සහිත වැසි වර්ධනය වන විට එමඟින් ඇති විය හැකි තාවකාලික තද සුළංවලින් සහ දරුණු අකුණු මඟින් සිදුවන අනතුරු මෙන්ම දේපළ හානි අවම කර ගැනීමට අවශ්‍ය සියලුම පූර්ව ආරක්ෂිත පියවර කඩිනමින් ගන්නා ලෙස කාලගුණ විද්‍යා දෙපාර්තමේන්තුව සමස්ත මහජනතාවගෙන් කාරුණිකව ඉල්ලා සිටියි.