නුවරඑළිය මහ නගර සභාවේ ඩීසල් වංචාවක් - තොරතුරු එළියට

පසුගිය ද්විත්ව ව්‍යසන කාලසීමාව තුළ ආපදා කළමනාකරණ කටයුතු වෙනුවෙන් කුලී පදනම මත ලබාගත් විශේෂ වාහන සහ යන්ත්‍ර සූත්‍රවලට ඩීසල් ලබා ගැනීම සඳහා මහජන මුදල් වෙන් කිරීමේදී රුපියල් මිලියන 9.2 ක දැවැන්ත මූල්‍ය වංචාවක් සහ දූෂණයක් සිදුවී ඇති බව එක්සත් ජාතික පක්ෂ නාගරික මන්ත්‍රී සුසන්ත ප්‍රියලාල් පලිහවඩන මහතා සහ නුවරඑළිය සුරැකීමේ සංවිධානය නියෝජනය කරමින් දිනේෂ් ලංකා ගීගනගේ මහතා සෘජුවම පවසා තිබේ.

ඔවුන් මේ බව ප්‍රසිද්ධියේ පවසා ඇත්තේ, නුවරඑළිය මහ නගර සභාව මඟින් ඉන්ධන සඳහා මුදල් වෙන් කිරීමේ මුවාවෙන් සිදුකර ඇති මෙම රුපියල් මිලියන 9.2 ක මහා පරිමාණ මූල්‍ය වංචාව පිළිබඳව වහාම විධිමත් මෙන්ම අපක්ෂපාතී විමර්ශනයක් සිදු කරන ලෙස බල කරමින් ජාතික විගණකාධිපතිවරයා වෙත සහ නුවරඑළිය දිස්ත්‍රික් පළාත් පාලන සහකාර කොමසාරිස් කාර්යාලය වෙත නිල වශයෙන් ලිඛිතව පැමිණිලි කිරීමෙන් අනතුරුව මාධ්‍ය වෙත විශේෂ අදහස් දක්වමිනි.

වීදි උත්සවයක් අතරතුර බිහිසුණු වෙඩි තැබීමක් - 12ක් රෝහලට

මෙම බරපතළ සිද්ධිය පිළිබඳව වැඩිදුරටත් අදහස් දැක්වූ නුවරඑළිය මහ නගර සභාවේ ඒකාබද්ධ විපක්ෂය නියෝජනය කරන එක්සත් ජාතික පක්ෂයේ නාගරික මන්ත්‍රී සුසන්ත ප්‍රියලාල් පලිහවඩන මහතා පවසා ඇත්තේ, පසුගිය වසරේ අගභාගයේදී ඇති වූ දැඩි ස්වාභාවික ව්‍යසන තත්ත්වයන් මඟින් දැඩි ලෙස හානියට පත්වූ නුවරඑළිය නගරය මැදින් ගලා බසින තලගලඔය කඩිනමින් සංවර්ධනය කිරීමේ කටයුතු සඳහා බැකෝ යන්ත්‍ර ඇතුළු විවිධ බර වාහන කුලී පදනම මත ලබා ගැනීමට සහ ඒවා සඳහා ඉන්ධන සැපයීමේ සමස්ත ක්‍රියාවලිය නුවරඑළිය ප්‍රාදේශීය ලේකම්වරයාගේ පූර්ණ අධීක්ෂණය යටතේ නුවරඑළිය මහ නගර සභාව විසින් සෘජුවම සිදුකළ බවයි.

එහිදී ආපදා සහන කටයුතු වෙනුවෙන් රුපියල් ලක්ෂ 20 ක විශේෂ මුදලක් ප්‍රාදේශීය ලේකම්වරයා විසින් නුවරඑළිය මහ නගර සභාවේ නිල බැංකු ගිණුම වෙත නීත්‍යානුකූලව යොමු කර ඇති බවත්, එම මූලික මුදල හැරුණු කොට සෙසු අනෙක් සියලුම වියදම් පියවාගෙන ඇත්තේ නුවරඑළිය මහ නගර සභාව සතු පොදු අරමුදල්වලින් බවත් ඔහු හෙළි කළේය.

නීති විරෝධී ලෙස සභා අරමුදල්වලින් එම මුදල් වියදම් කිරීම සඳහා පසුව බලහත්කාරයෙන් ආවරණ අනුමැතිය ලබා දී ඇත්තේ නුවරඑළිය මහ නගර සභාවේ වත්මන් නගරාධිපති උපාලි වනිගසේකර මහතාගේ සෘජු මැදිහත්වීමෙන් සහ බලපෑමෙන් බව ද ඔහු වැඩිදුරටත් චෝදනා කළේය.

මෙලෙස මහජනතාවගේ බදු මුදල් අවභාවිත කරමින් යෙදවූ මුදල්වලින් මහා පරිමාණ මූල්‍ය වංචාවක් සිදුවී ඇති බවත්, රුපියල් ලක්ෂ 92 කට වඩා වැඩි දැවැන්ත මුදලක් ඉන්ධන පිරිවැය වෙනුවෙන් පමණක් වෙන්කර පෙන්වා තිබුණ ද, එම මුදලට සරිලන පරිදි කිසිදු ක්ෂේත්‍ර සංවර්ධන වැඩකටයුත්තක් හෝ ඔය ප්‍රතිසංස්කරණයක් පොළොවේ සිදු වී නොමැති බවත් ඔහු පෙන්වා දුන්නේය.

හෙට සිට පෞද්ගලික බස් රථ ධාවනය සිදුවෙන්නේ මෙහෙමයි

මේ අතර නිසි රජයේ ටෙන්ඩර් පටිපාටියකින් සහ විනිවිදභාවයකින් තොරව හිතමිතුරන්ගේ වාහන පුද්ගලික මට්ටමින් ලබාගෙන, ඒ සඳහා අක්‍රමික ලෙස රජයේ ඉන්ධන ලබාදීම පිළිබඳව වහාම ක්‍රියාත්මක වන පරිදි ස්වාධීන සහ විධිමත් පරීක්ෂණයක් පවත්වා වරදකරුවන්ට දැඩිව නීතිය ක්‍රියාත්මක කරන ලෙස ද ඔවුහු බලධාරීන්ගෙන් සමස්ත ජනතාව වෙනුවෙන් ඉල්ලා සිටිති.