වර්ෂාවෙන් පසු ගාල්ලේ තරගය යළි ඇරඹෙයි - පඩික්කල්ගෙන් විශිෂ්ට අර්ධ ශතකයක්

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන පළමු ටෙස්ට් තරගයේ පළමු දිනයේ දෙවැනි සැසිය වර්ෂාව හේතුවෙන් පැය දෙකකට ආසන්න කාලයක් ප්‍රමාද වීමෙන් අනතුරුව යළි ආරම්භ වී තිබේ. දිවා විවේකය වන විට ඉන්දියාව කඩුල්ලක් දැවී ලකුණු 101ක් ලබා සිටියහ.

ජයිස්වාල් දැවී යාමෙන් පසු පිටියට පැමිණි පඩික්කල් විශිෂ්ට ප්‍රහාරාත්මක පිතිහරඹයක නිරත වෙමින් ඉන්දීය ඉනිමට වේගයක් එක් කළේය. ඔහු පසුගියදා ශ්‍රී ලංකා ක්‍රිකට් XI කණ්ඩායමට එරෙහි පුහුණු තරගයේදීද නොදැවී ලකුණු 142ක් ලබා තිබුණි.

කෙසේ වෙතත්, ගාල්ල තණතීරුවේ දඟ පන්දු යවන්නන්ට සහය ලැබෙමින් පවතින අතර ප්‍රභාත් ජයසූරියගේ පන්දු කිහිපයක් ඉන්දීය පිතිකරුවන්ට අභියෝගයක් එල්ල කර තිබේ.

තරගය ආරම්භයේදී ඉන්දියාව කාසියේ වාසිය දිනා පළමුව පන්දුවට පහරදීමට තීරණය කළ අතර, මෙය ඉන්දියාව සහභාගී වන 600 වැනි ටෙස්ට් තරගය ලෙසද ඉතිහාසයට එක්වෙයි.

දිවා ආහාරයට තරගය නවතද්දී ඉන්දියාව ප්‍රබල ඉනිමකට අඩිතාලම දමයි [LIVE

ඉන්දියාවේ ආධිපත්‍යයට ශ්‍රී ලංකාව දුන් අභියෝගය - ශ්‍රී ලංකා–ඉන්දියා ටෙස්ට් සටනේ සම්පූර්ණ ඉතිහාසය මෙන්න