''නඩුවක් දාලා තියෙන්නේ, 27 වෙනකම් මේ සම්බන්ධයෙන් නිශ්චිත අදහසක් කියන්න බෑ.'' - නියෝජ්‍ය ඇමතිගෙන් මාදැල් ධීවරයින්ට පිළිතුරු

මාදැල් ධීවරයින් විසින් ආරම්භ කර තිබෙන බවත් සත්‍යග්‍රහය සම්බන්ධයෙන් මේ වනවිට ඍජු අදහසක් ප්‍රකාශ කිරීමට නොහැකි බව ධීවර හා ජලජ සම්පත් නියෝජ්‍ය අමාත්‍ය රත්න ගමගේ මහතා සදහන් කර තිබේ.

අමාත්‍යවරයා මේ බව සදහන් කළේ, අද (09) පැවැති මාධ්‍ය හමුවකට එක්වෙමිනි.

තව දුරටත් අමාත්‍යවරයා ප්‍රකාශ කළේ ධීවරයින් විසින් මේ වනවිට අමාත්‍යංශය ගෙන ඇති තීරණයට එරෙහිව අධිකරණයේ නඩුවක් ගොනු කර ඇති බවත් 27 වැනිදා දක්වා මේ සම්බන්ධයෙන් නිශ්චිත අදහසක් ලබාදිය නොහැකි බවයි.

මේ සම්බන්ධව ධීවර හා ජලජ සම්පත් නියෝජ්‍ය අමාත්‍ය රත්න ගමගේ මහතා දැක්වූයේ මෙවන් අදහසක්

"අපි ආදරෙයි ඔයාලාට, ඔයාලා එන්න ඕනේ අපිත් එක්ක හිටගන්න. අපේ ධීවරයෝ. අපි රැක ගන්නේ ඔයාලා. ඔයාලා රැකගන්න ඉන්නේ අනාගත පරම්පරාව. ධීවර කර්මාන්තය රැකගන්න සූදානම් වෙන්න. එන්න. අපිත් එක්ක සාකච්ඡා කරලා නිවැරදි තැනකට ගමු. අපිට වැරදි තැනවලට උත්තර නෑ. ඒ නිසා අපි ඍජුවම ඒක ප්‍රතික්ෂේප කරනවා. මේ මොහොතේ අපිට ඍජු අදහසක් කියන්න බෑ. ඔබ උසාවි මාර්ගයට ගිහිල්ලා තියෙන්නේ. නඩුවක් දාලා තියෙන්නේ. 27 වෙනකම් මේ සම්බන්ධයෙන් නිශ්චිත අදහසක් කියන්න බෑ. නඩුවෙන් පස්සේ. තීන්දුවෙන් පස්සේ අපි සාකච්ඡා කරන්න සූදානම්. සාකච්ඡා කරලා පරිසරයත් ආරක්ෂා කරගෙන ඔයාලාත් ආරක්ෂා කරගෙන ඉදිරියේදී කටයුතු කරන්න අපි සූදානම්."

විදේශගත ශ්‍රී ලාංකිකයින්ට හා විගමනික ප්‍රජාවට දැනුම්දීමක්

හොර හරක් ලොරියට වෙඩිතබා, දෙදෙනෙක් කොටුකරගනී