තත්ත්වය දරුණු අතට - ඉබෝලා මරණ 223 දක්වා ඉහළට

අප්‍රිකානු කලාපයේ පිහිටි කොංගෝ රාජ්‍යය තුළ සීඝ්‍රයෙන් ව්‍යාප්ත වෙමින් පවතින මාරාන්තික ඉබෝලා වෛරස් රෝගී තත්ත්වය හේතුවෙන් සිදු වූ සමස්ත මරණ සංඛ්‍යාව 223 ක් දක්වා බියකරු ලෙස ඉහළ ගොස් ඇති බව ලෝක සෞඛ්‍ය සංවිධානය නිල වශයෙන් නිවේදනය කරයි.

එම සංවිධානයේ නවතම සෞඛ්‍ය දත්ත වාර්තා පෙන්වා දෙන්නේ, මේ වන විට කොංගෝ රාජ්‍යය පුරා විසිරී සිටින සමස්ත ඉබෝලා ආසාදිතයන්ගේ සංඛ්‍යාව ද 906 ක් වැනි ඉහළ මට්ටමක් දක්වා වර්ධනය වී ඇති බවයි.

වෛරසයේ පවතින අධික බෝවීමේ වේගය හේතුවෙන් කලාපීය සෞඛ්‍ය අංශ මේ වන විට දැඩි අවධානමකින් පසුවෙයි.

මෙම වෛරස් ව්‍යාප්තිය කොංගෝ දේශසීමාවෙන් ඔබ්බට ද ගමන් කරමින් පවතින අතර, අසල්වැසි උගන්ඩා රාජ්‍යයෙන් ද මේ වන විට ඉබෝලා ආසාදිතයන් 9 දෙනෙකු අලුතින් හඳුනාගෙන තිබේ.

ඉන් එක් ආසාදිතයෙකු දැනටමත් ජීවිතක්ෂයට පත්ව ඇති බව ද ජාත්‍යන්තර සෞඛ්‍ය වාර්තා තහවුරු කරයි.

ලෝක සෞඛ්‍ය සංවිධානයේ විශේෂඥ නිරීක්ෂණවලට අනුව, මෙම දරුණු ඉබෝලා රෝගී තත්ත්වය මීට මාස දෙකකට පමණ පෙර සිට නැගෙනහිර කොංගෝ කලාපය කේන්ද්‍ර කරගනිමින් ව්‍යාප්ත වීම ආරම්භ වී ඇති අතර, එය පාලනය කිරීම සඳහා ජාත්‍යන්තර සහාය ඇතිව විශේෂ සෞඛ්‍ය මෙහෙයුම් දියත් කර ඇත.

සූදානම් වන්නැයි දන්වයි - හෙට සවස 4.30 වන තුරු වලංගු නිවේදනයක්

පූජ්‍ය පල්ලේගම හේමරතන හිමිගේ අටමස්ථානාධිපති ධූරය අත්හිටුවයි - නව තනතුරට පූජ්‍ය ඊතල වැටුණුවැවේ ඤානතිලක හිමි