විදුලිය ගාස්තු ඉහළට - පාර්ශව රැසකින් විරෝධය

ලංකා විදුලිබල මණ්ඩලය විසින් කල 2026 වසරේ දෙවන කාර්තුව සඳහා සියයට 13.56ක විදුලි ගාස්තු ඉහළ නැංවීමේ යෝජනාවට පාර්ශ්ව රැසක් විරෝධය පළ කර ඇත. ගල් අඟුරු වංචාවෙන් සිදුවූ පාඩුව ද විදුලි ගාස්තුවෙන් පියවා ගැනීමට ආණ්ඩුව උත්සාහ දරන බව වෘත්තීය සංගම් නියෝජිතයින් පවසයි.

වසරකට සිව්වතාවක් සිදුකරන විදුලි සංශෝධනයට අනුව 2026 වසරේ පළමු කාර්තුවට සඳහා ලංකා විදුලිබල මණ්ඩලය සියයට 11.57ක විදුලි ගාස්තු ඉහළ දැමීමක් යෝජනා කළ ද ඊට උපයෝගීතා කොමිසමේ අනුමැතිය හිමිවූයේ නැත.

ශ්‍රී ලංකාවේ වාහන මිල ඉහළට - ජපානයේ වැඩ වලින් ලංකාවට වාහන හීනය අහිමිවෙයිද?

විදුලි බල මණ්ඩලයට දැනුම්දීමක් කර තිබුණේ නිසි කාලය තුල විධිමත් ගාස්තු සංශෝධන යෝජනාවක් ඉදිරිපත් නොකිරීම සැලකිල්ලට ගනිමින් ගාස්තු සංශෝධනයක් සිදු නොකිරීමට කොමිෂන් සභාව තීරණය කර තිබූ අතර 2026 දෙවන කාර්තුව සදහා ගාස්තු සංශෝධන යෝජනාව පෙබරවාරි 13 වැනිදාට පෙර ඉදිරිපත් කරන ලෙසයි.

ඒ අනුව 2026 වසරේ දෙවන කාර්තුව සඳහා සියයට 13.56ක විදුලි ගාස්තු ඉහළ නැංවීමක් ඉල්ලා ලංකා විදුලි බල මණ්ඩලය මහජන උපයෝගීතා කොමිෂන් සභාව වෙත යෝජනාවලියක් ඉදිරිපත් කර ඇති අතර එය එළැඹෙන අප්‍රේල් 01 වැනිදා සිට ජුනි 30 වැනිදා දක්වා කාල සීමාවට අදාළ වේ.

රටම අඳුරට යන ලකුණු - විදුලි බල වෘත්තීය සමිති දැඩි තීරණයක

අදාළ යෝජනාවලිය සමාලෝචනය කිරීමෙන් අනතුරුව ඒ පිළිබඳ මහජන අදහස් විමසීමට පියවර ගන්නා අතර අනතුරුව ගාස්තු සංශෝධනය සම්බන්ධයෙන් සිය තීරණය දැනුම්දීමට පියවර ගන්නා බව මහජන උපයෝගිතා කොමිසම සඳහන් කරයි.