නීතිඥ සංගමයෙන් ජනපතිට විශේෂ ලිපියක් - හේතුව මෙන්න

ආණ්ඩුක්‍රම ව්‍යවස්ථාවට අනුකූලව ස්ථිර විගණකාධිපතිවරයෙකු වහාම පත් කිරීමට පියවර ගන්නා මෙන් ශ්‍රී ලංකා නීතිඥ සංගමය (BASL) ජනාධිපති අනුර කුමාර දිසානායකගෙන් ඉල්ලා සිටි‍යි.

ඒ අනුව නීතිඥ සංගමය ඊයේ (22) දිනැතිව ජනාධිපතිවරයා වෙත විශේෂ ලිපියක් යොමු කර ඇත.

ඒ රාජ්‍ය මූල්‍ය පාලනයේ විනිවිදභාවය ආරක්ෂා කිරීමට සහ ජාත්‍යන්තර විශ්වාසය තහවුරු කිරීමට මෙම පත්වීම අත්‍යවශ්‍ය බව අවධාරණය කරමින්.

ලංවිම සේවකයින් ‍රැසක් විශාල අර්බුදයක - බලශක්ති ඇමතිටත් ලිපියක්

නීතිඥ සංගමය සිය දැඩි අවධානය යොමු කර ඇත්තේ 2025 අප්‍රේල් මාසයේදී හිටපු විගණකාධිපතිවරයා විශ්‍රාම යාමෙන් පසු මේ දක්වා ස්ථිර නිලධාරියෙකු පත් නොකිරීම සම්බන්ධයෙන් බව වාර්තා වේ.

ආණ්ඩුක්‍රම ව්‍යවස්ථාවේ 153(1) ව්‍යවස්ථාව යටතේ පිහිටුවා ඇති විගණකාධිපති ධුරය, සමස්ත රාජ්‍ය ආයතනවල වගවීම තහවුරු කරන ප්‍රධානතම කාර්යභාරයක් ඉටු කරන බව පෙන්වා දෙයි.

එසේම ශ්‍රී ලංකාව දැනට ජාත්‍යන්තර මූල්‍ය අරමුදලේ (IMF) වැඩසටහන යටතේ ආර්ථිකය ගොඩනගමින් සිටින අතර, 'දිට්වා' සුළි කුණාටුවෙන් සිදු වූ විනාශය වෙනුවෙන් විශාල ලෙස විදේශ ආධාර ද ලැබෙමින් පවතියි. එවැනි අවස්ථාවක මූල්‍ය විනිවිදභාවය උපරිමයෙන් තිබිය යුතු බව නීතිඥ සංගමය අවධාරණය කරයි.

පාසල් කාලය විනාඩි 30කින් දීර්ඝ කිරීම ගැන අලුත්ම ආරංචිය මෙන්න

ඒ අනුව ජනාධිපතිවරයා මීට පෙර යෝජනා කරන ලද නාමය ව්‍යවස්ථාදායක සභාවේ බහුතර කැමැත්ත දිනා ගැනීමට අපොහොසත් වී ඇති බව නීතිඥ සංගමය සඳහන් කරයි.

එනිසා දේශපාලන වශයෙන් පක්ෂපාතී නොවන, ක්ෂේත්‍රයේ ප්‍රවීණත්වයක් සහ ස්වාධීනත්වයක් ඇති, ව්‍යවස්ථාදායක සභාවේ පොදු එකඟතාවය දිනාගත හැකි පුද්ගලයෙකු මෙම ධුරයට පත් කළ යුතු බව එම ලිපියෙන් පෙන්වා දෙයි.

එසේම මෙම ලිපිය සඳහා නීතිඥ සංගමයේ සභාපති රජීව් අමරසූරිය සහ ලේකම් චතුර ගල්හේන යන අය අත්සන් තබා ඇත. එම ලිපිය පහතින්,

මීට පස්සේ බීලා වාහන පදින අයට වැඩ වරදී

නීතිඥ සංගමයෙන් ජනපතිට විශේෂ ලිපියක් by kaushalya