ලෝකය ඉතිහාසයේ උණුසුම්ම කාලය මේකයි - රතු කට්ට උඩ තියෙන පෘථිවිය

ලොව මෙතෙක් වාර්තා වූ උණුසුම්ම මාසය ලෙස පසුගිය අගෝස්තු මාසය වාර්තා වී ඇති බව යුරෝපා සංගමයේ දේශගුණ විපර්යාස නිරීක්ෂණ සේවය පවසයි.

එම සේවය සඳහන් කරන්නේ ලොව සාගරවල උෂ්ණත්වයද මෙතෙක් වාර්තා නොවූ ඉහළම මට්ටමකට ළඟා වී ඇති බවයි. අගෝස්තු මාසයේ ලෝක සාමාන්‍ය වායු උෂ්ණත්වය සෙල්සියස් අංශක 16.96ක් ලෙස වාර්තා වී ඇති බව විදෙස් මාධ්‍ය සඳහන් කරයි.4

රජයෙන් විශේෂ සහන ණය දෙකක් - ව්‍යාපාර සඳහා ණය ලබාදීමට අමාත්‍ය මණ්ඩලයේ අනුමැතිය

එය මීට පෙර 2023 ජූලි මාසයේදී වාර්තා වූ ඉහළම අගයට වඩා සෙල්සියස් අංශක 0.01කින් ඉහළ අගයකි. කෙසේ වෙතත්, එම සුළු වෙනස සැලකිල්ලට ගනිමින් 2023 ජූලි සහ පසුගිය අගෝස්තු මාස දෙකම වාර්තාගත උණුසුම්ම මාස ලෙස සැලකිය හැකි බව යුරෝපා සංගමයේ දේශගුණ විපර්යාස නිරීක්ෂණ සේවය සඳහන් කරයි.

විද්‍යාඥයින් පෙන්වා දී ඇත්තේ, ගල් අඟුරු, තෙල් සහ ගෑස් දහනය ඇතුළු මිනිස් ක්‍රියාකාරකම් හේතුවෙන් පෘථිවියේ උෂ්ණත්වය මේ වනවිට සෙල්සියස් අංශක 1.4කින් පමණ ඉහළ ගොස් ඇති බවයි. එමෙන්ම හරිතාගාර වායු විමෝචනයද 2025 වසරේදී වාර්තාගත ඉහළම මට්ටමකට ළඟා වී ඇති බව සඳහන් වේ.

ඊශ්‍රායලය රැකියාවට යන හීනය බොඳ වෙයි - තරුණයන් වෙනුවෙන් හඬ නගන සජිත්

විදෙස් මාධ්‍ය සඳහන් කරන්නේ සාගර මතුපිට උෂ්ණත්වයද අගෝස්තු මාසයේදී නව වාර්තාවක් පිහිටුවා ඇති අතර, හරිතාගාර වායු මගින් රඳවා ගන්නා අතිරේක තාපයෙන් 90%කට වැඩි ප්‍රමාණයක් සාගර විසින් අවශෝෂණය කරගෙන ඇති බව විද්‍යාඥයින් පවසා ඇති බවයි. මේ අතර, මේ වනවිට වර්ධනය වෙමින් පවතින ප්‍රබල එල් නිනෝ තත්ත්වය හේතුවෙන් ඉදිරි මාසවලදීද උෂ්ණත්ව වාර්තා බිඳ වැටීමට ඉඩ ඇති බව විද්‍යාඥයින් අනතුරු අඟවයි.

මාධ්‍ය වාර්තා සඳහන් කරන්නේ විශේෂයෙන් එල් නිනෝ තත්ත්වය දෙසැම්බර් මාසය ආසන්නයේදී උපරිම තීව්‍රතාවට ළඟා වනු ඇතැයි අපේක්ෂා කරන අතර, 2026 හෝ 2027 වසර මෙතෙක් වාර්තා වූ උණුසුම්ම වසර බවට පත්විය හැකි බවද විද්‍යාඥයින් පෙන්වා දෙන බවයි.

ආයේ ලයිසන් ගද්දි මේ සෙල්ලන් දාන්න බෑ - රියදුරු බලපත්‍ර ලබාගැනීමට නම් මාස තුනක් මේ විදිහට ක්‍රියා කළ යුතු බව දන්වයි

එමෙන්ම පසුගිය අගෝස්තු මාසයෙන් අවසන් වූ බටහිර යුරෝපයේ ගිම්හාන සමයද මෙතෙක් වාර්තා වූ උණුසුම්ම ගිම්හාන සමය බව යුරෝපා සංගමයේ දේශගුණ විපර්යාස නිරීක්ෂණ සේවය සඳහන් කරයි. ජුනි සිට අගෝස්තු දක්වා කාලය තුළ යුරෝපයේ අඛණ්ඩව ඇති වූ දැඩි උණුසුම් තත්ත්ව හේතුවෙන් පාසල් වසා දැමීම්, ගංගා සිඳී යාම සහ දැවැන්ත ලැව්ගිනි සඳහා අවදානම ඉහළ යාම වැනි තත්ත්ව රැසක් වාර්තා වී තිබේ.

එක්සත් ජාතීන්ගේ සංවිධානයද අනතුරු අඟවා ඇත්තේ, පොසිල ඉන්ධන භාවිතයෙන් ඉවත් වන තුරු ලෝකය මෙවැනි පෙර නොවූ විරූ දේශගුණික තත්ත්වයන් කරා තවදුරටත් ගමන් කරනු ඇති බවයි.