“ආසියානු ශූරියන්” ශූරතාව රැකගනීද? - කාන්තා ආසියානු කුසලාන අවසන් සටන අද

 2026 කාන්තා ආසියානු කුසලාන ක්‍රිකට් තරගාවලියේ අවසන් මහා තරගය අද (13) ශ්‍රී ලංකාව සහ ඉන්දියාව අතර ඩුබායි ජාත්‍යන්තර ක්‍රීඩාංගණයේදී පැවැත්වීමට නියමිතය. තරගය ශ්‍රී ලංකා වේලාවෙන් රාත්‍රී 8.00ට ආරම්භ වීමට නියමිත අතර, තරගාවලියේ ශූරතාව දිනා ගැනීම සඳහා කණ්ඩායම් දෙකම දැඩි සටනකට සූදානමින් සිටී.

 තරගාවලියේ මූලික වටයේදී අපරාජිතව ඉදිරියට පැමිණි ඉන්දියාව, කාන්තා ආසියානු කුසලාන ඉතිහාසයේ සිය අටවැනි ශූරතාව දිනා ගැනීමේ අරමුණින් අවසන් තරගයට පිවිසෙයි.

කෙසේ වෙතත්, වත්මන් ශූරියන් වන ශ්‍රී ලංකාව ඉන්දියාවට පහසු අභියෝගයක් නොවනු ඇත. ශ්‍රී ලංකාව පාකිස්තානයට එරෙහිව පැවති උණුසුම් අවසන් පූර්ව තරගය ජය ගනිමින් අවසන් මහා තරගයට සුදුසුකම් ලබාගෙන තිබේ.

“පන්දු 4කින් සූර්යවංශි අසරණයි” - පුහුණු දැලේදී බුම්රාගෙන් සුපිරි පාඩමක්

2024 අවසන් තරගයේ මතකය ශ්‍රී ලංකාවට ශක්තියක්

ඉන්දියාව මෙම තරගාවලියේ ඉතිහාසයේ වඩාත්ම සාර්ථක කණ්ඩායම වන අතර, මේ වනවිට ශූරතා හතක් දිනාගෙන ඇත. එහෙත් 2024 කාන්තා ආසියානු කුසලාන අවසන් තරගයේදී ඉන්දියාව කඩුලු 8කින් පරාජය කරමින් ශ්‍රී ලංකාව ශූරතාව දිනාගත් අතර, එම ජයග්‍රහණය මෙවර අවසන් සටනටද ශ්‍රී ලංකා කණ්ඩායමට විශ්වාසයක් ලබාදෙනු ඇත.

දෙපිලේ T20I තරග වාර්තාව

ශ්‍රී ලංකාවට එරෙහිව ඉන්දියාවට සැලකිය යුතු වාසියක් පවතී. දෙරට අතර පැවති T20 ජාත්‍යන්තර තරග 31කින් තරග 25ක් ඉන්දියාව ජයගෙන තිබේ. ශ්‍රී ලංකාව ජයගෙන ඇත්තේ තරග 5ක් වන අතර, එක් තරගයක් ප්‍රතිඵලයකින් තොරව අවසන් වී ඇත. කෙසේ වෙතත්, ආසියානු කුසලාන අවසන් තරගවලදී තත්ත්වය වෙනස් විය හැකි බව 2024 අවසන් තරගයේ ශ්‍රී ලංකා ජයග්‍රහණය මතක් කර දෙයි.  

පාකිස්තානය පරදා එංගලන්තයට දැවැන්ත ටෙස්ට් ජයග්‍රහණයක්