Apple රසිකයින්ට මේ සතියේ තෑගී ගොඩක් - අඩුම මිල ලැප්ටොප් එකට ලෝකෙම අවධානය

ඇපල් සමාගමෙන් ඔවුන්ගේ නවතම නිෂ්පාදන කිහිපයක් එළිදක්වන සතියක් ආරම්භ කර ඇති අතර, එහි ප්‍රධානතම ආකර්ෂණය වී ඇත්තේ ඔවුන්ගේ මැක්බුක් (MacBook) පරිගණක මාලාවට එක් වූ නවතම සහ මිලෙන් අඩුම ලැප්ටොප් පරිගණකය වන 'මැක්බුක් නියෝ' (MacBook Neo) මාදිලියයි.

මෙය ඇලුමිනියම් නිමාවකින් යුතු අතර අඟල් 13 ලැප්ටොප් පරිගණකයකි. එමෙන්ම ඉකුත් වසරේ iPhone 16 Pro මාදිලි සඳහා භාවිතා කළ A18 Pro චිපයේ, 5-core GPU සහිත වෙනස් කරන ලද විශේෂ සංස්කරණයකින් බලගැන්වේ.

එසේම මෙහි මූලික මාදිලිය 8GB RAM ධාරිතාවයකින් සහ 256GB ආචයන (storage) පහසුකමකින් සමන්විතයි.නොච් (notch) එකක් රහිතව තිරයේ ඉහළ කොටසේ සඟවා ඇති 1080p වෙබ් කැමරාවක් සහ පසෙකින් ශබ්දය නිකුත් කරන ස්ටීරියෝ ස්පීකර් පද්ධතියක් ද මීට ඇතුළත්.

වැඩි වෙන යුධ උණුසුම නිසා ඊශ්‍රායලයේ සේවය කරන ශ්‍රී ලාංකිකයන්ට විශේෂ දැනුම්දීමක්

එමෙන්ම මෙහි තිරය 60Hz වේගයකින් යුත්, 1440p විභේදනයට වඩා මඳක් වැඩි අගයක් ගන්නා, සහ උපරිම දීප්තිය නිට් (nits) 500ක් වන සාමාන්‍ය මට්ටමේ එකක් බව වාර්තා වේ. ඉන්ඩිගෝ (indigo), බ්ලෂ් (blush), සිට්‍රස් (citrus) සහ රිදී (silver) යන වර්ණ හතරකින් වෙළඳපොළට නිකුත් වන මෙම පරිගණකයේ වර්ණයට ගැළපෙන පරිදි සුදු පැහැති යතුරුපුවරුවක් (keyboard) ද ලබා දී තිබෙනවා.

පරිගණකයේ වම් පසින් Thunderbolt නොවන USB Type-C පෝට් දෙකක් සහ හෙඩ්ෆෝන් ජැක් එකක් ද ලබා දී ඇත.

ඇමරිකානු ඩොලර් 599 ක මූලික මිලකට නිකුත් වන මැක්බුක් නියෝ පරිගණකය, ඇපල් සමාගමේ Mac mini පරිගණකයේ මිලට සමාන වන අතර එය මේ වන විට ලබා ගත හැකි ලාභදායීතම ඇපල් ලැප්ටොප් පරිගණකය බවට පත්ව ඇත.

මෙහි 256GB මූලික මාදිලිය සඳහා Touch ID පහසුකම ලබා දී නොමැති අතර, ඒ වෙනුවට සාමාන්‍ය ලොක් බොත්තමක් පමණක් භාවිතා කර ඇත. කෙසේ වෙතත් තවත් ඩොලර් 100ක් ගෙවා 512GB මාදිලිය මිලදී ගැනීමේදී Touch ID පහසුකම ලබා ගත හැක.

යුධ උණුසුම මැද ශ්‍රී ලංකා මහ බැංකුවෙන් රටටම සුබ පණිවුඩයක්

මෙහි ට්‍රැක්පෑඩ් (trackpad) එක ද නවීන haptic තාක්ෂණයෙන් තොර වූ, භෞතිකව එබිය හැකි පැරණි මාදිලියේ එකක් ලෙස නිර්මාණය කර තිබේ. අඟල් 13ක ප්‍රමාණයෙන් යුක්ත වුවත් මෙහි බර රාත්තල් 2.7ක් වන බව සඳහන්.

එය ඊට වඩා තරමක් විශාල මැක්බුක් එයාර් (MacBook Air) පරිගණකයේ බරට සමාන‍යි. ස්මාර්ට්ෆෝන් චිපයක් ලැප්ටොප් බැටරියක් සමඟ මුසු කර ඇති බැවින් පැය 16ක පමණ ඉහළ බැටරි ආයු කාලයක් මීට ලැබෙන බව අපේක්ෂා කරන අතර වෙබ් අඩවි පිරික්සීම, ඊමේල් භාවිතය, ලිපි ලේඛන සකස් කිරීම සහ මූලික මට්ටමේ ඡායාරූප සංස්කරණය වැනි එදිනෙදා සාමාන්‍ය රාජකාරි සඳහා මෙම පරිගණකය ඉතා හොඳින් ගැළපේ.

එහෙත් බරපතළ වීඩියෝ සංස්කරණ කටයුතු සඳහා මෙය ප්‍රමාණවත් නොවන බව සඳහන්. කෙසේ වුවත් විශේෂයෙන්ම අධ්‍යාපන ක්ෂේත්‍රය සහ පාසල් සිසුන් ඉලක්ක කරගනිමින්, දැනට වෙළඳපොළේ අඩු මිලට අලෙවි වන ක්‍රෝම්බුක් (Chromebooks) සමඟ තරඟ කිරීමට ඇපල් සමාගම මෙය හඳුන්වා දී ඇති බව දක්නට ලැබේ.

ඉතිහාසයේ වාර්තා වූ විශාලතම මිල වැඩි කිරීම - මැදපෙරදිග උණුසුම නිසා පාකිස්ථානය ඉන්ධන මිල 20%කින් ඉහළ දමයි

සිසුන් සඳහා වන විශේෂ වට්ටම් යටතේ මෙය ඩොලර් 499 කට මිලදී ගත හැකි අතර, එය ඩොලර් 329ක මූලික iPad එකක් සහ ඩොලර් 250ක ඇපල් යතුරුපුවරුවක් වෙන වෙනම මිලදී ගන්නවාට වඩා ඉතා වාසිදායක වේ.

මේ අතර මැක්බුක් නියෝ පරිගණකයට අමතරව තවත් නව නිෂ්පාදන කිහිපයක් ද මෙම සතියේදී ඇපල් සමාගම මඟින් නිවේදනය කර ඇත.

ඒ අතරට Pro Display එක වෙනුවට හඳුන්වා දෙන නව Studio Display සහ Studio Display XDR තිර, MagSafe සහ දෙගුණයක් වූ මූලික ආචයන ධාරිතාවක් සහිත නව රෝස පැහැති iPhone 17e ස්මාර්ට්ෆෝනය, යතුරුපුවරුවේ වෙනස්කම් සමඟින් යාවත්කාලීන වූ M5 Pro සහ M5 Max MacBook Pro පරිගණක මෙන්ම M4 චිපය සහිත නව iPad Air මාදිලිය ද අයත් වේ.

එක්සත් අරාබි එමීර් රාජ්‍යයේ සිටින ශ්‍රී ලාංකිකයින්ට දැනුම් දීමක්

දිවුල් ගෙඩියක් කටේ තියපු නැති අය දිවුල් මෙච්චර ගුණයක් කියලා දන්නවා නම්