වයසට යෑම ප්‍රමාද කරන ඖෂධය සාර්ථකයි. - ආයු කාලය 25% කින් වෙයි. - අලුත්ම ආරංචිය මෙන්න. - (VIDEO)
Wayomi
වයසට යෑම ප්‍රමාද කිරීමේ ඖෂධයක් ගැන ලෝකයේ කතාබහක් ඇති බවයි වාර්තා වන්නේ.
රසායනාගාර පර්යේෂණවලට යොදාගත් මීයන්ගේ ආයු කාලය 25% කින් පමණ වැඩි කිරීමට නව ඖෂධයකින් හැකිවීම මේ කතාබහට හේතු වී තිබෙනවා.
බීබීසී පුවත් සේවයේ වාර්තාවකට අනුව ඉන්ටර්ලියුකින් 11 ප්‍රෝටීනය වයස්ගත වීම කෙරෙහි බලපාන අතර පර්යේෂණාගාරවල සිටින මීයන්ට මෙම ප්‍රෝටීනය අවහිර කරන නව ඖෂධය ලබා දී ඇත.
අනතුරුව ලැබුණු ප්‍රතිඵල අනුව එම මීයන්ගේ පිළිකා අවදානම අඩු සේම ඔවුන්ගේ ශක්තිමත්භාවය වැඩි බවද තහවුරු වී ඇති බවත් සති 75 ක් වයසැති මීයන් වයස අවුරුදු 55 මිනිසුන් සමග සැසඳිය හැකි බවත් සඳහන්.
ඒ, අනුව එමගින් මිනිසුන්ගේ වයසට යෑමේ ක්‍රියාවලිය ද ප්‍රමාද කළ හැකි බවට පර්යේෂකයෝ අපේක්ෂා කරනවා.
මහාචාර්ය ස්ටුවර්ට් කුක් පවසන්නේ මේ පර්යේෂණ හරහා මානව සෞඛ්‍යය වැඩිදියුණු කිරීමට සහ ආයු කාලය දීර්ඝ කිරීමට හැකියාව පවතින බවයි.
