වඩයක පළඟැටියෙක්, බිත්තර රොටියක යකඩ කම්බියක් - මන්නාරමේ කෑම ගැන භීතියක්

මන්නාරම දිස්ත්‍රික්කයේ ආහාරවල ගුණාත්මකභාවය සහ සනීපාරක්ෂක තත්ත්වයන් සම්බන්ධයෙන් අවධානය යොමුවන සිදුවීම් කිහිපයක් වාර්තා වී තිබේ.

මන්නාරම බටහිර මහජන සෞඛ්‍ය පරීක්ෂක කාර්යාල බල ප්‍රදේශයට අයත් තුන්වන පිටි ප්‍රදේශයේ ජනප්‍රිය අවන්හලකින් මිලදී ගත් වඩයක තිබී පළඟැටියෙකු හමුවීමේ සිද්ධියක් වාර්තා වී ඇත.

අදාළ අවන්හලෙන් මිලදී ගත් වඩය ආහාරයට ගැනීමට සූදානම් වූ අවස්ථාවේදී එහි පළඟැටියෙකු සිටින බව අනාවරණය වී ඇති බව සඳහන් වේ.

මේ අතර, මීට පෙර මන්නාරම නගර ප්‍රදේශයෙන් මිලදී ගත් බිත්තර රොටියක තිබී යකඩ කම්බි කැබැල්ලක් හමුවීමේ සිද්ධියක්ද වාර්තා වී තිබිණි.

ආණ්ඩුව හෙල්ලෙන්න තවත් දැවැන්ත රැළියක්.. අනුරාධපුරයට නොදෙවෙනි ජන බලයක් පෙන්වන්න පොහොට්ටුව සූදානම්

කෙටි කාලයක් තුළ ආහාර ද්‍රව්‍ය සම්බන්ධයෙන් සිදුවීම් දෙකක් වාර්තා වීමත් සමඟ මන්නාරමේ ආහාර සුරක්ෂිතතාව පිළිබඳ ජනතාව අතර කනස්සල්ලක් මතුව තිබේ.

මෙවැනි සිදුවීම් සම්බන්ධයෙන් කඩිනමින් විමර්ශන සිදුකර අවශ්‍ය පියවර ගන්නා ලෙස ජනතාව මන්නාරම බටහිර මහජන සෞඛ්‍ය බලධාරීන්ගෙන් ඉල්ලා සිටී.

එමෙන්ම, දිස්ත්‍රික්කයේ අවන්හල්වල ආහාර පිළියෙළ කිරීමේ ක්‍රමවේද, ආහාරවල ගුණාත්මකභාවය සහ සනීපාරක්ෂක තත්ත්වයන් පිළිබඳව නිසි අධීක්ෂණයක් සිදුකරන ලෙසද ජනතාව අදාළ බලධාරීන්ගෙන් ඉල්ලා ඇත.

මහජන සෞඛ්‍යය සැලකිල්ලට ගනිමින්, ආහාර ආරක්ෂිතව පිළියෙළ කර අලෙවි කරන්නේද සහ අදාළ සනීපාරක්ෂක ප්‍රමිතීන් නිසි ලෙස පවත්වාගෙන යන්නේද යන්න සම්බන්ධයෙන් අඛණ්ඩ අධීක්ෂණයක් සිදුකිරීමේ අවශ්‍යතාවද ජනතාව පෙන්වා දෙයි.

රු. මිලියන 6.6ක් ගෙවන්න, පුවත්පත්වල සමාව ඉල්ලන්න - හිටපු ඇමති ෆවුසිට ශ්‍රේෂ්ඨාධිකරණයෙන් නියෝගයක්

ඉන්ධන පිරවුම්හල් හිමියන් සහ ටැංකි රථ හිමියන් සේවයෙන් ඉවතට? ත්‍රිරෝද රථයකින් ලැබෙන ආදායමවත් ඉන්ධන බවුසරයෙන් ලැබෙන්නේ නෑ