දහස් ගාණක් රාජ්‍ය සේවයට බදවාගැනීම් - අද පාර්ලිමේන්තු ප්‍රකාශය

සිවිල් සේවය, පළාත් සිවිල් සේවය සහ සංස්ථා සහ ව්‍යවස්ථාපිත ආයතන සඳහා ආසන්න වශයෙන් 70,000 ක් පමණ බඳවා ගැනීමට අනුමැතිය ලැබී තිබේ. මේ සම්බන්ධයෙන් රාජ්‍ය පරිපාලන, පළාත් සභා සහ පළාත් පාලන අමාත්‍ය චන්දන අභයරත්න මහතා මේ බව පැවසීය.

රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ 2026 වසර සඳහා වූ විසර්ජන පනත් කෙටුම්පත පිළිබඳ අද (2025.11.19) පාර්ලිමේන්තුවේ පැවති විවාදයේදී ඔහු මේ බව ප්‍රකාශ කළේය.

ATM කාඩ් පාවිච්චි කරනවද? පරිස්සම් වෙන්න

බඳවා ගැනීමට නියමිත සිවිල් සේවකයින් අතර උපාධිධාරීන් සඳහා විශාල අවස්ථා ප්‍රමාණයක් නිර්මාණය වී ඇති බව ඔහු තවදුරටත් පැවසීය. උපාධිධාරීන් 12,309 ක් බඳවා ගැනීමට අනුමැතිය ලැබී ඇති බව ද අමාත්‍යවරයා පැවසීය.

සිවිල් සේවයට අවශ්‍ය බඳවා ගැනීම් සහ එහි අඛණ්ඩ පැවැත්ම සඳහා නිර්දේශ ඉදිරිපත් කිරීම සඳහා අන්තර්කාලීන පියවරක් ලෙස අග්‍රාමාත්‍ය ලේකම්වරයාගේ සභාපතිත්වයෙන් යුත් සිවිල් සේවා බඳවා ගැනීමේ සමාලෝචන කමිටුවක් පිහිටුවා ඇත.

තවත් රාජ්‍ය සේවක දීමනාවක් ඉහළට

කමිටුව විසින් කරන ලද නිර්දේශ කැබිනට් මණ්ඩලය විසින් සලකා බලා අවශ්‍ය බඳවා ගැනීම් අනුමත කරනු ඇති බව චන්දන අභයරත්න මහතා තවදුරටත් පෙන්වා දුන්නේය.