නොහිතපු වෙලාවක, බැංකු බර ගාණකට වුණ ඇබැද්දිය.. ගිණුම්වල මුදල් වලට මොකද වුණේ.. හිස් වෙලා?..
krishani
දින හතක් වැනි කෙටි කාලයක් තුළ බැංකු 40ක් චීනයේ අතුරුදහන් වී ඇති බව වාර්තා වේ.
මේ වන විට චීනයේ බැංකු ක්‍ෂේත්‍රය විශාල අර්බුදයකට මුහුණ දෙමින් සිටින බව විදෙස් මාධ්‍ය සඳහන් කළේ ය.
මෙම තත්ත්වය ලෝක ආර්ථිකයට බරපතළ බලපෑම් ඇති කළ හැකි බවට විශේෂඥයෝ අනතුරු අඟවනු ලබයි.
බංකොලොත්භාවය පිළිබඳ කටකතා හේතුවෙන් කනස්සල්ලට පත් ගනුදෙනුකරුවන් විසින් එරට ප්‍රධාන පෙළේ බැංකුවක් වන Jiangxi බැංකුවේ මූලස්ථානය වටලනු ලැබූ බව චීන මාධ්‍ය වාර්තා කර තිබෙනවා.
ගනුදෙනුකරුවන්ගේ ණය ආපසු ගෙවීමේ ගැටළු හේතුවෙන් එහි ලාභය 30% කින් අඩු විය හැකි බවට බැංකුව කලින් අනතුරු අඟවා ඇත.
‘ද ඉකොනොමිස්ට්’ වාර්තා කළේ චීනයේ බැංකු 3,800 ක් පමණ අනතුරේ පවතින බවයි.
එමෙන්ම, මෙම බැංකුවල වත්කම් ප්‍රමාණය යුවාන් ට්‍රිලියන 55ක් (ඩොලර් ට්‍රිලියන 7.5ක් පමණ) වේ.
එය චීනයේ බැංකුවල ඇති සියලුම මුදල්වලින් 13%කී.
මෙම බැංකු දිගු කලක් හොඳින් පවත්වාගෙන ගොස් නැති අතර බොල් ණය ගොඩ ගැසී ඇතැයි අදාළ ලිපියේ සඳහන් වේ.
තව ද, එම වාර්තාව පෙන්වා දෙන්නේ මෙම බැංකුවලින් සැලකිය යුතු සංඛ්‍යාවක් සංවර්ධකයින්ට සහ පළාත් පාලන ආයතනවලට ණය ලබා දී ඇති බවයි.
එමෙන්ම, එමඟින් දේපල වෙලඳපොල පසුබෑමේ බලපෑම්වලට බැංකුව ගොදුරු වී ඇති බවයි.
කෙසේ වෙතත්, මෑත වසරවලදී සමහර බැංකු විසින් හෙළිදරව් කර ඇති ආකාරයට අක්‍රීය ණය ඔවුන්ගේ ණය කළඹින් 40%ක් බව ද ඉකොනොමිස්ට් වාර්තා කර තිබෙනවා.
එමෙන්ම, මෑතක දී අතුරුදහන් වූ බැංකු 40 න් 36 ක් Liaoning පළාතේ වූ අතර ඒවා Liaoning Rural Commercial Bank නම් බැංකුව විසින් පවරා ගනු ලැබුවේ ය.
